21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Մեզ պետք է Ռուբեն Ռուբինյանի նման երիտասարդը, որը բանակցելու շատ լավ ջիղ ունի. Հովիկ Աղազարյան
Քաղաքականություն
29.12.2021 | 17:12
Թուրքիայի հետ հնարավո՞ր է նորմալ հարաբերություններ հաստատել. ընդդիմության դիտարկմամբ՝ թուրքերն ուզում են կացնահարել, գնդակահարել մեզ, իսկ մեր իշխանությունը խոսում է նրանց հետ հարաբերությունների մասին: Factor.am-ի հետ զրույցում անդրադառնալով այս դիտարկմանը՝ «Քաղաքացիական պայմանագիր» խմբակցության պատգամավոր Հովիկ Աղազարյանը նշեց. «Թուրքիայի հետ շփումներ պետք է լինեն, դա անհրաժեշտություն է և պետք է արվի, թե ինչ արդյունքներ կտա, չեմ կարող ասել, դա շատ դժվար է, որովհետև պատմության մեջ եղել են դեպքեր, երբ երկու երկրներ խաղաղության պայմանագիր են ստորագրել, հաջորդ օրը նրանց միջև պատերազմ է սկսել: Բայց մենք չենք կարող այդ ճանապարհով չգնալ, և՛ հայ, և՛ թուրք իշխանությունները պարտավոր են գտնել համակեցության նորմեր հանուն մեր ժողովուրդների խաղաղ գոյության: Մենք պետք է այդ ճանապարհով գնանք, բայց չպետք է մոռանանք մեր անվտանգային խնդիրները, տնտեսությունը պետք է ուժեղացնենք, մեր բանակը հզորացնենք, սա է ամենակարևոր գործոնն այդ հարաբերությունները մեզ համար ցանկալի ուղով զարգացնելու համար»:
Անդրադառնալով Ռուբեն Ռուբինյանի՝ Թուրքիայի հետ հարաբերությունների կարգավորման գործընթացում բանագնաց նշանակվելու վերաբերյալ քննադատություններին՝ հաշվի առնելով, որ նա փորձ չունի, Աղազարյանն ընդգծեց. «Մեզ պետք է Ռուբեն Ռուբինյանի նման երիտասարդը, որը շատ լավ պատրաստված է և բանակցելու շատ լավ ջիղ ունի»:
Մանրամասները՝ տեսանյութում:
