19.12.2025 | 15:58
Մինչև տարեվերջ նախատեսվում է ապամոնտաժել Սևանա լճի ափամերձ տարածքներում տարբեր անձանց պատկանող 10 կառույց
Մուշի ոստիկանները գիշերային շրջիկ ծառայության ընթացքում ինքնաձիգով տղամարդու են հայտնաբերել
Հասարակություն
29.12.2021 | 14:15
Դեկտեմբերի լույս 27-ի գիշերը, ժամը 3.40-ին, ոստիկանության Մուշի բաժնի ծառայողները, գիշերային շրջիկ ծառայության ընթացքում, Գյումրու Օզանյան փողոցում նկատել են մի քաղաքացու՝ ձեռքին ծածկոցով փաթաթված ինքնաձիգի նմանվող առարկա. տեղեկացնում են ՀՀ ոստիկանությունից:
Նրան անմիջապես բերման են ենթարկել բաժին։ Ծածկոցի միջից հայտնաբերվել է գործարանային համարով «Կալաշնիկովի» ինքնաձիգ, պահունակ և ինքնաձիգի 16 փամփուշտ:
Բերման ենթարկվածը հայտնել է, որ ինքնաձիգը բերել է 2020 թվականի հոկտեմբերին` Արցախյան 44-օրյա պատերազմից վերադառնալիս:
Նյութերի նախապատրաստման ընթացքում նույն օրը բերման ենթարկվածի տան և մեքենայի զննությամբ հայտնաբերվեցին ինքնաձիգի պահունակ՝ լիցքավորված 7,62 մմ տրամաչափի 5 փամփուշտով։
Նշանակվել է դատաձգաբանական փորձաքննություն:
Հանգամանքները պարզվում են։
