08.06.2026 | 22:58
Հայտնի է նոր Ազգային ժողովի առաջին նիստի օրը
ԱԺ նախագահը էշով չպիտի ման գա. Խաչատուր Սուքիասյանը՝ Ալեն Սիմոնյանի համար նոր մեքենայի գնման մասին․ ՏԵՍԱՆՅՈՒԹ
Տեսանյութեր
22.12.2021 | 17:15
«Քաղաքացիական պայմանագիր» խմբակցության պատգամավոր Խաչատուր Սուքիասյանն արձագանքեց ԱԺ նախագահ Ալեն Սիմնյանի համար գնված 200 հազար դոլարանոց մեքենայի վերաբերյալ քննադատություններին՝ մասնավորապես Հայկ Մարությանի դիտարկմանը:
«Ես մի բան ասեմ, Ալեն Սիմոնյանն ի՞նչ կապ ունի, եթե Հայաստանում Ազգային ժողովի նախագահը պետք է էշով ման չգա։ ՀՀ ԱԺ ղեկավարության մասին է խոսքը գնում, իհարկե, պետք է ինչ-որ աստիճան որակով մեքենայով ման գա»,- ասաց Սուքիասյանը։
Նա նշեց, թե կան մեքենաներ, որոնք մի քանի հազար դոլարով կարող էժան լինեն, բայց սպասարկման ծախսն ավելի թանկ է։
«Հիմա այդ ընտրությունն էլ արդյունավետության հետ կապված խնդիր է, մասնագետները պետք է ասեն»,-նշեց պատգամավորը։
Հիշեցնենք՝ Երևանի արդեն նախկին քաղաքապետ Հայկ Մարությանն այսօր Երևանի ավագանու նիստում հայտարարել էր. «Մարդիկ ասում են՝ Հայկը հեղափոխությունից շեղվել է։ Սա ասում են մարդիկ, որոնք երկրի համար էս նեղ պահին 200 հազար դոլարանոց մեքենա են գնում, ու ամբողջ քաղաքական թիմով մեկ ամիս շարունակ լծվում են՝ արդարացնելու էդ որոշումը, որ ցույց տան, թե ինչքան անհրաժեշտ գնում էր սա պետության համար»։
Մանրամասները՝ տեսնյութում:
