Հասարակություն
17.12.2021 | 11:32Մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը, դիմելով ՄԻՊ պաշտոնում ՔՊ-ի առաջարկած Քրիստինե Գրիգորյանին, հետաքրքրվեց, թե ընտրվելու դեպքում ինչպե՞ս է պայքարելու խորհրդարանում ատելության խոսքի, վիրավորանքների դեմ:
«Ես ուզում եմ, որ ատելության խոսքի նկատմամբ հասարակական և հանրային ոչ հանդուրժողականության վերաբերմունքը չտարածվի լրագրողների նկատմամբ, գոնե այն մենք չմատնանշենք, քանի որ շատ լավ գիտենք, որ կան հստակ կենտրոններից ուղղորդված կայքեր, որոնք լրագրողները չեն աշխատեցնում»,- հայտարարեց Թագուհի Թովմասյանը:
Քրիստինե Գրիգորյանը պատասխանեց, որ իր տեսլականում ՄԻՊ-ին առընթեր ձևավորվելիք խորհուրդներում ներգրավելու է օնլայն հարթակների, լրագրության ոլորտի և քաղաքականության մասնագետների՝ ատելության խոսքի խնդրի համակարգային լուծումներ առաջարկելու համար:
ՄԻՊ թեկնածուն նաև հայտնեց, որ հանդուրժողականության մթնոլորտ ձևավորելու համար պետք է վարքագծի կանոնների շուրջ կողմերի համախոհության մթնոլորտ ձևավորել և ընդհանուր կանոններ ձևակերպել:
Մանրամասները՝ տեսանյութում:
