14.09.2026 | 14:15
Պատմական ռեկորդ․ Հովհաննես Գաբրիելյանը լողալով հատել է Սևանա լիճն իր ողջ երկայնքով
Շվեյցարիան Արցախի գրավյալ տարածքների ականազերծման համար 1․5 մլն ֆրանկ է հատկացրել
Քաղաքականություն
13.12.2021 | 18:10
Տնտեսական համագործակցության ադրբեջանա-շվեյցարական միջկառավարական կոմիտեի հերթական նիստը տեղի է ունենալու Բաքվում 2022 թվականին։ Այս մասին հայտարարել է Ադրբեջանում Շվեյցարիայի դեսպան Մուրիել Փենեվեյրեն, գրում են տեղական լրատվամիջոցները։
Նա նշել է, որ երկու երկրների 22-ամյա համագործակցության ընթացքում Շվեյցարիան 210 մլն դոլար է հատկացրել Ադրբեջանում 90 նախագծի իրականացման համար։
Խոսելով Արցախի գրավյալ տարածքների վերականգնման ադրբեջանական նախածերին մասնակցելու մասին՝ դեսպանն ասել է, որ Շվեյցարիան ականազերծման ծրագրի համար 1․5 մլն ֆրանկ է տրամադրել Բաքվին Միջազգային Կարմիր խաչի կոմիտեի միջոցով։
Փոխդեսպան Ալբերտո Էրնանդեսն էլ հայտարարել է, որ վերջերս Շվեյցարիայի տնտեսական հարցերով Պետական քարտուղարությունն Ադրբեջանում ծրագիր է սկսել բյուջեի միջնաժամկետ ծախսերի հետ կապված, որի արժեքը կազմում է 5 մլն շվեյցարական ֆրանկ։
«Դա ամենախոշոր ծրագիրն է, որ ներկայում Շվեյցարիան իրականացնում է Ադրբեջանում»,- ասել է Էրնանդեսը՝ նշելով, որ Շվեյցարիան աջակցում է Ադրբեջանում գյուղատնտեսության զարգացմանը։
Էմմա Չոբանյան
