21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Դուք ընտրվել եք օրենքի խախտմամբ. դատավոր Նախշքարյանը Ջհանգիրյանին և ԲԴԽ ևս 3 անդամի բացարկ հայտնեց․ ՏԵՍԱՆՅՈՒԹ
Հասարակություն
13.12.2021 | 16:52
Երևանի ընդհանուր իրավասության դատարանի դատավոր Զարուհի Նախշքարյանին կարգապահական պատասխանատվության ենթարկելու վերաբերյալ միջնորդության քննության ժամանակ դատավոր Նախշքարյանի ներկակացուցիչը բարձրաձայնեց ԲԴԽ իրավաբան֊անդամ Լիպարիտ Մելիքջանյանին բացարկ հայտնելու հարցը, ինչի հիմքում դրվել է այն հանգամանքը, որ վերջինս ԲԴԽ անդամ է ընտրվել նախկին քաղաքական ուժի կողմից, մինչդեռ նախկին քաղաքական ուժի կողմից ընտրված բոլոր իրավաբան-գիտնականները տարբեր ժամանակահատվածներում հրաժարական են տվել, բացի դրանից՝ Մելիքջանյանը Նիկոլ Փաշինյանի հետ նույն դպրոցն է հաճախել, դպրոցական տարիներին շփվել են։
ԲԴԽ֊ն մերժեց բացարկի միջնորդությունը, իսկ Գագիկ Ջհանգիրյանն էլ պարզաբանեց, որ Փաշինյանը և Մելիքջանյանը չեն հաճախել նույն դպրոցը։
Նախշքարյանի ներկայացուցիչը ինքնաբացարկի միջնորդություն ներկայացրեց ԲԴԽ գիտնական – անդամների վերաբերյալ՝ նշելով, որ նրանք ԲԴԽ անդամ են ընտրվել ոչ թե խորհրդարանի, այլ կոնկրետ մեկ քաղաքական ուժի կողմից, որի պայմաններում չի կարող այդ քաղաքական ուժից անկախ լինել, առավել ևս երբ գործը վերաբերում է այդ քաղաքական ուժի ղեկավարին։
Հիշեցնենք, որ դատավոր Զարուհի Նախշքարյանի նկատմամբ կարգապահական վարույթ է հարուցվել ՀՀ արդարադատության նախարարության կողմից՝ Հանրային խորհրդի նախկին նախագահ Ստյոպա Սաֆարյանի հաղորդման հիման վրա։
Մանրամասները՝ տեսանյութում:
