21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Ապացույցներ ենք ներկայացրել թե՛ Ադրբեջանի կողմից հաստատված, թե՛ չհաստատված գերիների մասով․ Կիրակոսյան. ՏԵՍԱՆՅՈՒԹ
Հասարակություն
13.12.2021 | 14:05
Հայաստանը բավականին շատ ապացույցներ է ներկայացրել թե՛ Ադրբեջանի կողմից հաստատված, թե՛ չհաստատված գերիների մասով: Այսօր հրավիրված մամուլի ասուլիսի ժամանակ այս մասին նշեց ՄԻԵԴ-ում և արդարադատության միջազգային դատարանում ՀՀ ներկայացուցիչ Եղիշե Կիրակոսյանը` անդրադառնալով դեկտեմբերի 7-ին դատարանի կայացրած որոշմանը:
«Հայաստանը ապացույցներ է ներկայացրել, այդ թվում նաև այն մասին, որ գերեվարված անձինք Բաքվում պահվում են ռասսայական հիմքի վրա, այսինքն՝ հայ են, դրա համար են նրանց այդպես վերաբերվում: Ուղղակի դատարանը տարբերակում դրեց գերեվարված անձանց պահելու մոտիվի և անձանց նկատմամբ վերաբերմունքի մոտիվի միջև, որի հետ մենք, որպես կողմ, համաձայն չենք: Մեր փաստարկներն այն մասին էին, որ Ադրբեջանում տիրող հակահայկական, ռասիստական մթնոլորտը այնքան բարձր մակարդակի վրա է, որ Ադրբեջանում հայ անձանց գտնվելն արդեն իսկ նրանց կյանքին սպառնացող վտանգ է»:
Նշեք, որ ՄԱԿ-ի միջազգային դատարանը մասնակի բավարարել է Հայաստանն ընդդեմ Ադրբեջանի` խտրականության բոլոր ձևերի վերացման միջազգային կոնվենցիայի խախտման հիմքով գանգատը։ Սակայն Ադրբեջանում պահվող հայ գերիներին վերադարձնելու հարցով միջանկյալ միջոց կիրառելու` հայկական կողմի պահանջը մերժվել է։ Դատարանը մասնակի բավարարել է նաև Հայաստանի դեմ Ադրբեջանի կողմից ներկայացված համանման հայցը։
Մանրամասները՝ տեսանյութում:
