Հասարակություն
13.12.2021 | 11:37«Իշխանությունները 4 տարի է եկել ու ինչ-որ բարեփոխումների մասին են խոսում, ընդ որում՝ տարբեր ոլորտներում, օրինակ, ոստիկանությունում, որտեղ բարեփոխման ոչ մի նշույլ չկա: Բանակում ևս բարեփոխման որևէ տրամադրություն չի նկատվում: Բանակը ոնց եղել է, այդպես մնացել է՝ չհաշված այն, թե պատերազմից հետո ինչ ծանր վիճակում է հայտնվել»,- «Ոչ կանոնադրային հարաբերություններ բանակում. ովքե՞ր են պատասխանատու զինծառայողների կյանքի համար» թեմայով քննարկման ժամանակ նշեց «Լրագրողներ հանուն մարդու իրավունքների» ՀԿ-ի նախագահ, իրավապաշտպան Ժաննա Ալեքսանյանը:
«Անցյալ տարի խաղաղ պայմաններում 100 զինծառայողի մահվան դեպք է եղել, որից 18-ը ինքնասպանություն է որակվել: Այսպիսի թիվ՝ 100 մահվան դեպք, չի եղել նախկին ոչ մի իշխանության օրոք:
Օրինակ՝ 90-ականների պատերազմից հետո եղած ժամանակահատվածում կարող ենք հիշել այդպիսի դեպքեր, բայց 1999-ին Վազգեն Սարգսյանի հրամանով, շատ կատեգորիկ դրվեց հարցը, ու կիսվեց այդ թիվը: Դրանից հետո որևէ իշխանություն որևէ բան չի փոխել բանակի ներսում՝ կրիմինալ մթնոլորտը, անպատժելիության մթնոլորտը վերացնելու համար:
Պարզ է, որ բանակը համակարգային փոփոխության կարիք ունի, բայց չկան դրա միտումները: Ընդամենը սնունդը փոխեցին ու կարծեցին, որ այնքան մեծ բան են արել: Բայց մարդիկ պետք է ողջ մնան, որ օգտվեն ձեր տրամադրած սննդից»,- նշեց Ալեքսանյանը:
Նրա խոսքով՝ քննչական մարմինները նույն եռանդով ու մոլուցքով կոծկում են գործերը, ինչպես նախկինում»,- նշեց իրավապաշտպանը՝ ընդգծելով՝ կոռուպցիոն համագործակցությունը, որ ունեն բանակը, զորամասերի հրամանատարներն ու քննչական մարմինները, չի վերանում:
Մանրամասները՝ տեսանյութում:
