19.05.2026 | 12:43
Հայտնի է՝ ով է «Մանչեսթեր Սիթիում» փոխարինելու Խոսեպ Գվարդիոլային
Էրդողանի ղեկավարած ԱԶԿ-ին աջակցությունը, սոցհարցումների տվյալներով, նվազում է՝ զիջելով գլխավոր ընդդիմադիր կուսակցությանը
Քաղաքականություն
10.12.2021 | 15:05
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Թուրքիայի նախագահ Ռեջեփ Թայիփ Էրդողանի ղեկավարած իշխող «Արդարություն և զարգացում» կուսակցությունն առաջին անգամ վարկանիշով զիջել է գլխավոր ընդդիմադիր Ժողովրդահանրապետական կուսակցությանը նոյեմբերի սոցհարցումների տվյալներով։ Այս մասին գրում է «Ահվալ» գործակալությունը։
Ըստ Yöneylem սոցիալական հետազոտությունների կենտրոնի հարցման՝ ԱԶԿ-ն ունի ընտրողների 24․3 տոկոսի աջակցությունը, իսկ ընդդիմադիր СHP-ն՝ 25.6 տոկոսի։
MetroPoll սոցհարցման ընկերության նոյեմբերյան հարցումն էլ ցույց է տվել, որ Էրդողանի ԱԶԿ-ն 34,3 տոկոս հանրային աջակցություն է վայելում, իսկ CHP-ն՝ 22,6 տոկոս։ Այս մասին թվիթերյան իր էջում գրել է ընկերության ղեկավար Օզեր Սենջարը։
ԱԶԿ-ն 2018 թվականի համընդհանուր ընտրություններում ստացել էր ձայների 43 տոկոսը։ Այս տարվա ընթացքում անցկացված հարցումների արդյունքները, ընդհանուր առմամբ, ցույց են տալիս, որ Էրդողանի կուսակցության վարկանիշը զգալիորեն նվազել է։
Էրդողանի հանրային աջակցությունը նվազում է նրա տնտեսական քաղաքականության, ֆինանսական վատ կառավարման մեղադրանքների, անտառային հրդեհների և ջրհեղեղների տարափին կառավարության արձագանքի և ավտորիտարիզմի աճող քննադատության ֆոնին:
Ըստ Yöneylem-ի հարցման՝ ընտրողների 64․7 տոկոսը կարծում է, որ ընդդիմադիր դաշինքի թեկնածուն Էրդողանին հաղթելու է 2023 թվականին նախանշված նախագահական ընտրություններում։
Էմմա Չոբանյան
