19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Իրանն առաջնահերթություն է տվել հարևանների և իսլամական երկրների հետ հարաբերությունների զարգացմանը․ Ղալիբաֆ
Քաղաքականություն
10.12.2021 | 14:38
Իրանի խորհրդարանի նախագահ Մոհամմադ Բաղեր Ղալիբաֆը, որը չորեքշաբթի երեկոյան ժամանել է Թուրքիա՝ մասնակցելու Իսլամական համագործակցության կազմակերպության (ԻՀԿ) անդամների 16-րդ խորհրդարանական միության հանդիպմանը, Ստամբուլում հանդիպում է ունեցել թուրքական խոշոր տնտեսական հոլդինգների և ներդրողների մի խումբ ղեկավարների հետ, գրում է Mehr news-ը։
Հանդիպման սկզբում թուրքական հոլդինգների տնօրեններն ու ներդրողները ներկայացրել են իրենց խնդիրների վերաբերյալ հաշվետվություն և առաջարկություններ՝ Իրանում ներդրումների զարգացման համար։
Ղալիբաֆն իր հերթին նշել է, որ գործարարների կողմից բարձրացված խնդիրները կարող են լուծվել։
«Կառավարությունում և խորհրդարանում մենք առաջնահերթություն ենք տվել հարևանների և իսլամական երկրների հետ հարաբերությունների զարգացմանը»,- հավելել է նա։
Իրանի խորհրդարանի նախագահը նշելել է, որ Թեհրանը հաստատակամ է ընդլայնել երկկողմ առևտուրը հարևան երկրների հետ։ Նա նշել է, որ երկկողմ առևտուրը չպետք է հետաձգվի մինչև պատժամիջոցների վերացումը, քանի որ այժմ ավելի լավ հիմքեր կան առևտրատնտեսական հարաբերությունների զարգացման համար։
Տաթև Ֆռանգյան
