19.12.2025 | 12:34
Քննիչի անբարեխիղճ վերաբերմունքի հետևանքով նախաքննական մարմինը զրկվել է ապացույցներ ձեռք բերելու հնարավորությունից․ ՀԿԿ
«Բացի քրեական անցյալ ունեցողներից՝ այլ թեկնածուներ գտնել չեն կարողանում». Վահանգն Ալեքսանյան․ ՏԵՍԱՆՅՈՒԹ
Քաղաքականություն
10.12.2021 | 11:19
«Երբ 2018թ. պաշտոնական չարաշահումների և յուրացումների գործով անցնող մեկին տանում առաջադրում ես համայնքապետի թեկնածու, շատ հնարավոր է, որ ինչ-որ պահի նրան կալանավորելու կամ այլ միջնորդություն լինի: Յուրացումներ կատարած կամ պաշտոնեական դիրքը չարաշահած յուրաքանչյուր անձ ի վերջո ենթարկվելու է պատասխանատվության: Այլ հարց է, որ բացի քրեական անցյալ ունեցողներից՝ այլ թեկնածուներ գտնել չեն կարողանում»,- այս մասին ԱԺ-ում նշեց «Քաղաքացիական պայմանագիր» խմբակցության պատգամավոր Վահագն Ալեքսանյանը՝ անդրադառնալով Վարդենիսում տեղի ունեցող հետընտրական զարգացումների վերաբերյալ «Հայաստան» խմբակցության պատգամավոր, ՀՅԴ անդամ Արթուր Խաչատրյանի դիտարկումներին:
Հիշեցնենք՝ Խաչատրյանը նշել էր. «Չեմ կարող չարձանագրել այն, ինչ տեղի է ունենում Վարդենիսում. տեղական ընտրություններում հավանաբար ոչ բաղձալի արդյունք գրանցելուց հետո մեկ էլ հանկարծ քրեական գործ է հարուցվում ընդդիմադիր բլոկներից մեկի ղեկավարի նկատմամբ, որոնք մեծամասնություն էին ստացել ընտրություններում: Մենակ խնդրում եմ՝ մի՛ ասեք, որ դա պատահականություն է, մի՛ ասեք, որ դա Հայաստանում, մեղմ ասած, ոչ ժողովրդավարական զարգացումների ևս մի դրսևորում չէ: Այն, ինչ տեղի է ունենում Վարդենիսում, խիստ արգահատելի է, անթույլատրելի է և երկրի ու սերունդների նկատմամբ հանցագործություն է»:
Մանրամասները՝ տեսանյութում:
