Խոհանոցային խոսակցությունները դադարեցրեք էլի․ Ռուբինյանը բարկացավ. ՏԵՍԱՆՅՈՒԹ

Աժ-ում ելույթի ժամանակ ասաց «Հայաստան» խմբակցության պատգամավոր Արեգնազ Մանուկյանն անդրադառնալով ԱԺ նախագահ Ալեն Սիմոնյանի՝ գերիների մասին սկանդալային հայտարարությանը՝ նշեց. «Գերիների և անհետ կորածների հարազատների հետ հանդիպմանը Ալեն Սիմոնյանը հավատացնում էր, թե իրենք գիշերները չեն կարողանում քնել, տանջվում են, մտածում են միայն գերիների մասին, իսկ կուլիսներում Ալեն Սիմոնյանն ասում է, որ գերիներն իր համար այլևս չկան և նրանք դասալիքներ են, թեև՝ հերոս Ռոբերտ Աբաջյանի կեղծ պապիկի օգնությամբ մարդկանցից էմոցիա խլողներից այլ բան չէր կարելի սպասել»:

«Պադավատապետության դեմ պայքարող Նիկոլ Փաշինյանը պադավատապատել է իրեն և իր շրջապատին, այդքան մեծ շարասյունով Երևանում ոչ մի ղեկավար չի շրջել»,- ընդգծեց Մանուկյանը:- Սաշիկի մասին բազմաթիվ պատումներով սրտից թույլ լսարանի մոտ միավորներ վաստակող Նիկոլ Փաշինյանը մի ժամանակ խոսում էր ձևական տենդերներից, իսկ հիմա չի խոսում, քանի որ այդ տենդերները հիմա շահում են միայն իր մերձավորները»,- ասաց Մանուկյանը:

Պատգամավորն անդրադարձավ նաև «Էլեկտրիկ Երևանի» ակտիվիստների գործունեությանը, որոնք դարձել են պաշտոնյաներ և ցույց տվեց Ալեն Սիմոնյանի նկարը. «Պադավատապետության դեմ պայքարողները դարձան պադավատության ջատագովներ»:

Պատգամավորը միացրեց Նիկոլ Փաշինյանի՝ ընդդիմադիր պատգամավոր եղած ժամանակվա «պադավատապետության» մասին ելույթի ձայնագրությունը, որտեղ նա քննադատում է նախկին իշխանություններին:

Արեգնազ Մանուկյանը կոչ արեց, որ իր ելույթից հետո ով ցանկություն ունի թող «ցըմփ անի»:

Իշխանական պատգամավորները տեղից աղմկեցին:

«Խոհանոցային խոսակցությունները դադարեցրեք էլի»,- բարկացավ ԱԺ փոխնախագահ Ռուբեն Ռուբինյանը:

Մանրամասները՝ տեսանյութում: