15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Երկնքից ընկավ երեք մեդալ՝ մեկն իմ անփոխարինելի եղբայր Սաշիկին, մյուսն՝ անփոխարինելի փեսա Միշիկին, մյուսը՝ վաստակաշատ զավակ Շարմազանովին. ՏԵՍԱՆՅՈՒԹ
09.04.2018 | 21:15
«Տաս տարում ես կառուցեցի այս ֆալոցենտրիկ համակարգը: Ես ասել եմ, որ 2040 թվականին ՀՀ-ի բնակչությունը կլինի 4 մլն մարդ: Անշուշտ, Հայաստանում 2040 թվականին կմնա 4 մլն մարդ, եթե 2018 թվականին Հայաստանի բնակչությունը լինի 10 մլն: Ես իմ խոսքի տերն եմ եղել՝ ասելով, որ Հայաստանի քաղաքացին ապրելու է ավելի լավ երկրում. հիմա նրանք ապրում են ավելի լավ երկրում՝ Գերմանիայում, Ֆրանսիայում, Անգլիայում և այլն: Ես ասել եմ, որ կլինեն հազարավոր աշխատատեղեր, բայց հստակ չեմ ասել՝ որ երկրում: Ինձ ասել են, որ դու մուտիտ ես արել: Ես ուզում եմ անկեղծանալ, ես ունեցա շատ բուռն գիշեր, որի արդյունքում Հայաստանը հայտնվեց Մաքսային միությունում»,-այսօր Ազատության հրապարակում «Մերժիր Սերժին» նախաձեռնության կազմակերպած հանարահավաքի ժամանակ ասաց մուլտհերոս Չեբուրաշկայի կերպարով ներկայացող նախաձեռնության անդամը:
«Ունեցանք 800 հեկտար ամայի տարածքի կորուստ, և, որպեսզի, դրանք չլինեն ամայի, դրանց վրա տնկելու ենք կազինոյի ապարատի ծառեր և վիլլաների թփեր. ասում են՝ ինձ մոտ դա լավ է ստացվում»,-ասաց նախաձեռնության անդամը:
Վերջինս իր խոսքը եզրափակեց հայտնի հեքիաթի՝ մի փոքր փոփոխած վերջաբանով. «Երկնքից ընկավ երեք մեդալ՝ մեկն իմ անփոխարինելի եղբայր Սաշիկին, մյուսն՝ անփոխարինելի փեսա Միշիկին, մյուսը՝ վաստակաշատ զավակ Շարմազանովին»:
Ամբողջությամբ՝ տեսանյութում
