19.04.2026 | 22:28
Իրանը հրաժարվել է ԱՄՆ-ի հետ բանակցությունների երկրորդ փուլին պատվիրակություն ուղարկել․ Tasnim
Երկրաշարժից 33 տարի անց Գյումրիում դեռ 2770 տնակ կա․ քաղաքապետ․ ՏԵՍԱՆՅՈՒԹ
Հասարակություն
07.12.2021 | 13:48
Երկրաշարժից 33 տարի անց Գյումրիում դեռ առկա է անօթևանության չլուծված խնդիր։ Քաղաքապետ Վարդգես Սամսոնյանի տեղեկացմամբ՝ երկրաշարժից հետո 18 հազար բնակարան է կառուցվել Գյումրիում, սակայն դեռ կա 2770 տնակ կա, որից 500-ի դռները փակ են: Երկրաշարժից անօթևան ճանաչված շահառուները թիվն այս պահին 410-ն, որը կարող է փոփոխվել։ «2010 թվականին «Մուշ 2/2 «թաղամասում կառուցվեց 1056 բնակարան, 2012 թվականին՝ 1756, այդքան կառուցված բնակարաններից հետո դեռ կա 2770 տնակ, որից 500-ի դռները փակ են։
Մոտավոր հաշվարկով 410 ընտանիք ինչ-ինչ պատճառներով, ներընտանեկան կոնֆլիկտներից ելնելով՝ փաստաթղթղեր չեն ներկայացրել, երկրում չեն եղել և մնացել են դրսում»,-ասաց քաղաքապետը։
Նա նաև տեղեկացրեց, որ Գյումու համայնքապետարանը, հատ-հատ ուսումնասիրելով Գյումրու բոլոր տնակների պատմությունները, կառավարությանն է ներկայացրել ուսումնասիրությունների փաթեթ՝ այս հարցին հնարավորինս շուտ լուծում ստանալու ակնկալիքով։
Փաթեթում նշված է, թե բնակիչները ինչպես են հայտնվել տնակներում․ հարակից գյուղական համայնքներից եկել ու վերաբնակեցվե՞լ են Գյումրիում, սոցիալական պայմաններից դրդված՝ բնակարանն են վաճառել ու տեղափոխվե՞լ տնակ, թե՞ բազմանդամ են, բնակարան են ստացել, ընտանիքի կեսը տեղափոխվել է բնակարան, կեսը՝ մնացել տնակում։
Արմիկ Մովսիսյան
