17.11.2024 | 22:46
Փաշինյանը մեկնում է Վատիկան, հանդիպելու է Հռոմի Պապին
Արայիկ Խանդոյանի մասով դատարանը ձևական քննություն է իրականացրել. պաշտպանը միջնորդեց արդարացնել նրան․ ՏԵՍԱՆՅՈՒԹ
Հասարակություն
07.12.2021 | 12:10
ՀՀ վերաքննիչ դատարանում ընթանում է «Սասնա ծռերի» գործով բողոքի քննությունը: Պաշտպան Արայիկ Պապիկյանի կողմից ներկայացրած Վերաքննիչ ներկայացված բողոքը վերաբերվում է միայն Արայիկ Խանդոյանի մասով առաջին ատյանի դատարանի կայացրած վճռին:
2021-ի փետրվարի 24-ին առաջին ատյանի դատարանը կայացրել է քրեական հետապնդումը դադարեցնելու վճիռ՝ անձի մահվան հիմքով: Պաշտպան Արայիկ Պապիկյանը հայտարարեց, որ առաջին ատյանի դատարանը ձևական քննություն է իրականացրել՝ քրեադատավարական խախտումներով, դատարանն արդարադատություն չի իրականացրել, քանի որ պահպանվել է զուտ ձևը:
Պաշտպանը նկատեց, որ դատավճիռն ու մեղադրական եզրակացությունը որոշ առումներով նույնական են և եզրակացրեց, որ եռամյա դատավարությունն ընթացել է կանխորոշված ելքով:
Հիշեցնենք, «Սասնա ծռեր»-ի անդամներից Արայիկ Խանդոյանին («Միայնակ գայլ») նախաքննական մարմինը մեղադրանք էր առաջադրել ՀՀ քրեական օրենսգրքի 218 հոդվածի 3-րդ մասի 1-ին կետով (պատանդառություն) և 235 հոդվածի 3-րդ մասով (ապօրինի զենք զինամթերք ձեռք բերելը, իրացնելը, պահելը, փոխադրելը) հոդվածներով:
Մանրամասները՝ տեսանյութում:
