18.12.2025 | 19:39
Կայացել է ՀՀ-ԱՄՆ աշխատանքային խմբի անդրանիկ հանդիպումը
Սամվել Ալեքսանյանի ընտանիքը 30 մլն դրամի նվիրատվություն կանի Երևանին
Հասարակություն
30.11.2021 | 10:35
Խոշոր գործարար, ՀՀԿ խմբակցության նախկին պատգամավոր Սամվել Ալեքսանյանի ընտանիքին պատկանող «Ալեքս էնդ Հոլդինգ» ընկերությունը Երևանի քաղաքապետարանին 30 մլն դրամի նվիրատվություն է կատարել: Խոսքը, մասնավորապես, քարե և մեղաղյա նստարանների, մոխրամանների, աղբամանների տեղադրման և ճանապարհի բարեկարգման մասին է:
Ուշագրավ է, որ Սամվել Ալեքսանյանի հետ փոխկապակցված ընկերության այս նվիրատվությունը,որպես այդպիսին, առաջինը չէ։ Դեռևս 2019 թվականին Ալեքսանյանները քաղաքապետարանին նվիրել էին երեք հատ աղբատար «ԿաՄԱԶ» բեռնատար, ինչը հակակոռուպցիոն կազմակերպությունները գնահատեցին որպես կոռուպցիոն ռիսկի դրսևորում:
2019-ի նվիրատվությունը համընկել էր Մալաթիա-Սեբաստիա վարչական շրջանում «Երևան Սիթի» սուպերմարկետի գլխամասային գրասենյակի հարևանությամբ գտնվող շինության օրինականացման գործընթացին․ կառույցը Ալեքսանյանները կառուցել էին ավելի վաղ, սակայն այն փաստաթղթավորվել էր քաղաքապետ Հայկ Մարությանի օրոք:
Թե ինչ գործարք է նախորդել կամ հաջորդելու այս տարվա նվիրատվությանը՝ հայտնի չէ:
Նարեկ Կիրակոսյան
