23.04.2026 | 15:27
Գերմանիան Ուկրաինայի և Լատվիայի քաղաքացիների է ձերբակալել դիվերսիաներ նախապատրաստելու կասկածանքով
ՀՀ և Ադրբեջանի ներկայացուցիչների շփումները պիտի հաճախակի լինեն, որ խուսափենք ճգնաժամերից. Փաշինյան․ ՏԵՍԱՆՅՈւԹ
Տեսանյութեր
23.11.2021 | 20:11
Ես դեռևս ամռանը մի քանի անգամ հայտարարել եմ, որ ՀՀ-ն պատրաստ է բարձր և բարձրագույն մակարդակներում ունենալ հանդիպումներ, բանակցություններ Ադրբեջանի հետ՝ ԵԱՀԿ ՄԽ համանախագահության ֆորմատով և, ինչպես գիտեք, ԱԳ նախարարները այդ ֆորմատում արդեն հանդիպումներ ունեցել են: Այսօր հրավիրված ասուլիսում հայտարարեց ՀՀ վարչապետ Նիկոլ Փաշինյանը։
«Եվ մենք ակնկալում ենք և սպասում, որ նաև ԵԱՀԿ ՄԽ համանախագահությունը կազմակերպի այդպիսի հանդիպում։ Մենք արդեն նախապես դրա մասին հայտարարել ենք, մեր պատրաստակամությունն ենք արտահայտել», – ասաց Փաշինյանը։
«Դեկտեմբերի 15-ին Բրյուսելում Իլհամ Ալիևի հետ կայանալիք հանդիպումը նույնպես նորություն չէ: Շառլ Միշելը ամռանը տարածաշրջան կատարած իր այցի շրջանակում այդպիսի գաղափար է առաջ քաշել։
Ես այդ գաղափարը չեմ մերժել, ընդունել եմ, ասել եմ՝ երբ դեկտեմբերը մոտենա, ավելի կկոնկրետացնենք, և արդեն հայտնի հանգամանքներում նա զանգ է ունեցել և՛ ինձ հետ, և՛ Ադրբեջանի նախագահի հետ, և մենք երկուստեք հաստատել ենք մասնակցությունը Արևելյան գործընկերության գագաթնաժողովին և գագաթնաժողովի շրջանակներում նաև պատրաստակամություն ենք հայտնել հանդիպել:
Մեր ընկալումն այն է՝ նաև ընդհանուր իրադրությունից է բխում, որ ՀՀ և Ադրբեջանի ներկայացուցիչների շփումները պետք է լինեն ավելի հաճախ, որպեսզի մենք կարողանանք իրադրությունը կարգավորել, լուծումներ գտնել և փորձել խուսափել ճգնաժամերից», – նշեց Փաշինյանը։
Մանրամասները՝ տեսանյութում:
