Քաղաքականություն
16.11.2021 | 16:02
ՌԴ-ի և Իրանի նախագահներ Վլադիմիր Պուտինը և Էբրահիմ Ռայիսին տեղի ունեցած հեռախոսազրույցի ընթացքում անդրադարձել են նաև ԼՂ հակամարտությանը։
«Անդրադարձ է եղել նաև Լեռնային Ղարաբաղի շուրջ ստեղծված իրավիճակին։ Վլադիմիր Պուտինը տեղեկացրել է հրադադարի ապահովման, տնտեսական և տրանսպորտային կապերի ապաշրջափակման ու տարածաշրջանում խաղաղ կյանքի հաստատման ուղղությամբ ռուսական կողմի ձեռնարկած միջոցառումների մասին»,- ասված է Կրեմլի տարածած հաղորդագրության մեջ։
Տեղեկացվում է նաև, որ քննարկվել են երկկողմ համագործակցության հիմնական խնդիրները, այդ թվում՝ համատեղ խոշոր ներդրումային ծրագրերի իրականացումը, ինչպես նաև փոխգործակցությունը կորոնավիրուսային վարակի տարածման դեմ պայքարում։
Տաթև Ֆռանգյան
