18.05.2026 | 13:11
Միջազգային հյուրերը՝ ջրում. Բաքվում հեղեղն ու անձրևը խաթարել են ՄԱԿ-ի WUF-13 ֆորումի բացումը. ՏԵՍԱՆՅՈՒԹ
Առուշ Առուշանյանն իրավունքի ուժով ընտրվել է Գորիս խոշորացված համայնքի ղեկավար
Քաղաքականություն
11.11.2021 | 13:33
Գորիսում նոյեմբերի 10-ին կայացած ավագանու անդրանիկ նիստում Առուշ Առուշանյանն իրավունքի ուժով ընտրվել է Գորիս խոշորացված համայնքի ղեկավար:
Նիստը վարել է ավագանու ամենատարեց անդամ Արմենուհի Սոնյանը, ներկա են եղել նաև Գորիսի փոխքաղաքապետ Մենուա Հովսեփյանը, Սյունիքի մարզպետի տեղակալ Կարո Ավանեսյանը։
Մենուա Հովսեփյանը ներկայացրել է Առուշ Առուշանյանի կատարած աշխատանքը, իսկ Կարո Ավանեսյանն իր ելույթում նշել է, որ քաջատեղյակ է Գորիսում առկա բոլոր համայնքների խնդիրների մասին, այդ թվում՝ Խնձորեսկի վատ ճանապարհի, Վերիշենի խմելու ջրի ու կապտաժի անբարեկարգ վիճակի մասին։ Մենուա Հովսեփյանն էլ հակադարձելով՝ հիշեցրել է, որ մարզպետարանը թերացել է ճանապարհների նորոգման գործում։
Նիստում ավագանու անդամները երդմամբ ստանձնել են պաշտոնը։
«Առուշ Առուշանյան» դաշինքը նիստում ներկայացել է 13, ՔՊ-ն՝ 7, ՀԱԿ-ը՝ 1 ներկայացուցչով:
Սաթենիկ Հայրապետյան
