Տեսանյութեր
08.11.2021 | 17:40ԱԺ գիտության, կրթության, մշակույթի, սփյուռքի, երիտասարդության եւ սպորտի ու ֆինանսավարկային եւ բյուջետային հարցերի մշտական հանձնաժողովների համատեղ նիստում Հանրային հեռուստառադիոընկերության խորհրդի նախագահ Արա Շիրինյանը ներկայացրել է Հանրային հեռարձակողների խորհրդի 2022 թ. ֆինանսավորման հայտի նախագիծը եւ արված փոփոխությունները: Իրականացվում է մեկ ծրագիր՝ հեռուստատեսային եւ ռադիոհաղորդումների հեռարձակում, որը բաղկացած է 5 միջոցառումից:
Ծրագրի նպատակն է Հայաստանի եւ նրա սահմաններից դուրս ստեղծել եւ տարածել շուրջօրյա բազմազան տեղեկատվական, ճանաչողական, ժամանցային, կրթական հեռուստատեսային և ռադիոհաղորդումներ: Հանրային հեռարձակողներն արտադրում եւ սփռում են 4 հեռուստատեսային եւ 4 ռադիոծրագիր:
Արա Շիրինյանը մանրամասնել է Հանրային ռադիոյի եւ Հանրային հեռուստաընկերության հաղորդումների բովանդակությունն ու բնույթը:
Պատգամավորներին հետաքրքրող հարցերին արձագանքել է նաև Հանրային հեռուստաընկերության գործադիր տնօրեն Հովհաննես Մովսիսյանը: Հարցերն առնչվել են մարզական, մշակութային և կրթական հաղորդումների ձևաչափերին և այլն:
Մանրամասները՝ տեսանյութում:
