Տեսանյութեր
08.11.2021 | 15:312022թ-ին Հայաստանի 56 դպրոցներում նախատեսվում է իրականացնել հիմնանորոգման, վերանորոգման, կառուցման աշխատանքներ: Այս մասին այսօր ԱԺ գիտության, կրթության, մշակույթի, սփյուռքի, երիտասարդության և սպորտի ու ֆինանսավարկային և բյուջետային հարցերի մշտական հանձնաժողովների համատեղ նիստում հայտնեց ՀՀ ԿԳՄՍ փոխնախարար Ժաննա Անդրեասյանը:
Անդրեասյանը հայտնեց նաև, որ իրականացվում է Սյունիքի մարզի Կապան համայնքում որակյալ կրթության ապահովման ծրագիրը, որում ներառված է ոչ միայն դպրոցական որակյալ կրթություն, այլև որակյալ նախակրթական հաստատությւններ ունենալու հարցը:
«Ունենք 31 գյուղական բնակավայր, որոնց համար կազմվել է այդ որակյալ ծառայությունների քարտեզը, կազմվել է որակյալ ծառայությունների նախահաշիվը: Խոսքը շուրջ 9 մլրդ դրամի մասին է»,- ասաց Անդրեասյանը՝ հավելելով, որ ծրագրի շահառու երեխաների թիվը Կապան խոշորացված համայնքում շուրջ 1000 է:
«Վերցրել ենք Կապանը, որովհետև այստեղ ամենաբարդ տեղանքն է, և, եթե մեզ հաջողվում է այստեղ գտնել լավ լուծումներ, ապա դա կարող է լինել հիմք՝ մնացած համայնքներում այդ աշխատանքներն իրականացնելու»,- ասաց Անդրեասյանը:
Գույքի ամբողջական գնահատումից հետո որոշում կկայացվի՝ հիմնանորոգվո՞ւմ է տվյալ դպրոցը կամ մանկապարտեզը, թե՞ նորն է կառուցվում: Ընդ որում, բոլոր դպրոցները պետք է ունենան առակայական լաբորատորիաներ: Իսկ մանկապարտեզները կառուցվելու են այն համայնքներում, որտեղ դրանք ընդհանրապես չկան:
Պատգամավորներն արձագանքեցին՝ ներկայացնելով իրենց դիտարկումները:
«Ներողություն եմ խնդրում ձեր ազգանունները խառնելու համար: Այսօր առավոտվանից նման պրոցես կա. կառավարությունում էնքան համակարգից խոսեցինք, որ մեր գործընկերներից մեկը մյուսին ասաց՝ պարոն Համակարգ»,- կատակեց ԿԳՄՍ նախարար Վահրամ Դումանյանը՝ հավելելով, որ կատակելով փորձում է լիցքաթափել մթնոլորտը:
Մանրամասները՝ տեսանյութում:
