19.05.2026 | 19:33
Արթուրի հեռախոսը անհասկանալի հանգամանքներում անհետացել է, էջերն էլ՝ ջնջվել. փաստաբանը՝ Օսիպյանի մասին
«Տաշիր պիցցա»-ից օգտվածներին ԱՆ-ն հորդորում է գանգատների դեպքում դիմել բուժօգնության
05.11.2021 | 18:56
ՀՀ Առողջապահության նախարարությունը հայտարարություն է տարածել, որով տեղեկացնում է՝ «Տաշիր պիցցա» պիցցերիաների կետերից երեկ օգտված, թունավորված և հոսպիտալացված քաղաքացիների թիվը հասել է 44-ի։
«Սիրելի հայրենակիցներ,
հաշվի առնելով այն հանգամանքը, որ «Տաշիր պիցցա» պիցցերիաների կետերից ս.թ. նոյեմբերի 4-ին օգտված քաղաքացիների շրջանում արձանագրվել են նախնական ախտորոշմամբ «աղիքային վարակին» բնորոշ դեպքեր, առողջապահության նախարարությունը հորդորում է բոլոր քաղաքացիներին, ովքեր վերջին 2 օրվա ընթացքում օգտվել են նշված պիցցերիաների ցանցից, ջերմության բարձրացում, փորթուլություն, փսխում, սրտխառնոց, ընդհանուր թուլություն ունենալու դեպքում անհապաղ դիմել բժշկական օգնության»,-գրված է ԱՆ տարածած հաղորդագրության մեջ:
Ավելի վաղ տեղեկացրել էինք, որ 15 քաղաքացի երեկ դիմել էր Ինֆեկցիոն ազգային կենտրոն՝ աղիքային ինֆեկցիա ախտորոշմամբ։ Բոլորը նշել են, որ սնվել են «Տաշիրի պիցա» հանրային սննդի կետում, 13-ը՝ Երևանի Հյուսիսային պողոտայում, իսկ 2-ը՝ Խանջյան փողոցի վրա գտնվող:
ՍԱՏՄ տեսուչներն արդեն սկսել են վերահսկողական միջոցառումներ նշված հանրային սննդի ցանցի երկու օբյեկտներում:
