22.04.2026 | 22:33
Ովքեր են ԱԺԲ-ի ցանկում. հրապարակվել է ընտրությունների ընտրական ցուցակը
Ներքին Խնձորեսկի գրեթե բոլոր արոտավայրերն ադրբեջանական վերահսկողության տակ են. ՄԻՊ․ ՏԵՍԱՆՅՈՒԹ
Հասարակություն
03.11.2021 | 11:37
ՀՀ մարդու իրավունքների պաշտպանի գրասենյակը արտահերթ զեկույց է պատրաստել Ադրբեջանի հետ շփման բոլոր տարածքներում անվտանգության գոտու անհրաժեշտության վերաբերյալ։
Ադրբեջանցիների տեղակայումը ՀՀ տարածքում անօրինական է, խոսքը բոլոր տեղերի մասին է, որտեղ նրանք փորձում են ամրապնդել իրենց դիրքերը։ Հարցն այն է, որ նրանց տեղակայումը չի կատարվել որևէ միջազգային փաստաթղթի հիման վրա։ Այսօր հրավիրված մամուլի ասուլիսի ժամանակայս մասին հայտարարեց ՀՀ մարդու իրավունքների պաշտպան Արման Թաթոյանը։
Թաթոյանը քարտեզների վրա հստակ օրինակներ ներկայացրեց։
«Ներքին Խնձորեսկի գրեթե բոլոր արոտավայրերը, բնակիչների ամբողջ ապրուստը ադրբեջանական վերահսկողության ներքո են: Մարդիկ չեն կարողանում օգտվել այդ տարածքներից, գյուղատնտեսությամբ զբաղվել: Ադրբեջանական զինված ուժերի ներկայությունը առաջին հերթին կյանքի իրավունքի խախտում է:
Դավիթ Բեկ գյուղում նույնպես սկզբունքորեն խաթարված է մարդկանց բնականոն կյանքը: Այստեղ դեպքեր կան, որ մարդկանց այգիներնին են վնասներ հասցրել: Հարց է առաջանում՝ ո՞վ է հատուցելու մեր հայրենակիցներին:
Դավիթ Բեկում կան նաև ուրի շխնդիր, ադրբեջանական դիրքը անմիջապես գյուղի գերեզմանոցի գլխավերևում է, և այս ուղղությամբ կրակոցներ են եղել պատերազմի ժամանակ»,-նշեց Թաթոյանը:
Նա նաև հավելեց, որ ներկայացվող զեկույցը հիմնավորել են նաև երեխաների իրավունքների պաշտպանության տեսանկյունից:
Մանրամասները՝ տեսանյութում:
