17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Գեղարքունիքում որտեղ է դիրքավորված ադրբեջանական ԶՈՒ-ն. ՄԻՊ-ը ներկայացրեց արտահերթ զեկույցը․ ՏԵՍԱՆՅՈՒԹ
Հասարակություն
03.11.2021 | 11:33
ՀՀ մարդու իրավունքների պաշտպանն այսօր հրավիրված ասուլիսում ցուցադրեց քարտեզ, թե Գեղարքունիքում որտեղ են դիրքավորված ադրբեջանական զինված ուժերը:
ՄԻՊ-ը նշեց, որ ներկայացված արտահերթ զեկույցը վերաբերում է նաև ադրբեջանական զինված ուժերի հեռանալուն:
Մարդու իրավունքների պաշտպանը ներկայացրեց նաև իրենց աշխատակազմի կողմից արված լուսանկարները Գեղարքունիքի և Սյունիքի մարզերի այն բնակավայրերից, որտեղ ադրբեջանական զորքերը մայիսի 12-ից առաջ են եկել։
Արման Թաթոյանը նշեց, որ Վերին Շորժայում մարդիկ ապրում են ընտանիքներով, արածացնում են կենդանիներին, և այդ տարածքին շատ մոտ դիրքավորվել են ադրբեջանցի զինվորականները։
«Այստեղ մեկ այլ խնդիր կա։ Ջրավազան կա, որտեղից գոյանում է ոռոգման ջուր, ինչպես նաև խմելու ջուր։ Սա նույնպես ադրբեջանական զորքերի վերահսկողության ներքո է։ Գեղարքունիքում ադրբեջանցիների ներկայության պատճառով ունենք գյուղեր, որտեղ ընդհանրապես ջուր չկա։ Այս հարցն ինչպե՞ս է կարգավորվելու»,- նշեց Արման Թաթոյանը։
Մանրամասները՝ տեսանյութում:
