22.04.2026 | 21:01
Մարտին Պողոսյանը՝ ծանրամարտի Եվրոպայի առաջնության բրոնզե մեդալակիր
Պատահել է, որ ՀԴՄ կտրոն ինձ էլ չեն տրամադրել. ՊԵԿ նախագահ․ ՏԵՍԱՆՅՈՒԹ
Հասարակություն
02.11.2021 | 15:55
ԱԺ հանձնաժողովների միասնական նիստում ՀՀ 2022 թ. պետական բյուջեի նախագծի քննարկման ժամանակ հայտնեց ՊԵԿ նախագահ Ռուստամ Բադասյանը՝ պատասխանելով ՔՊ պատգամավոր Հովիկ Աղազարյանի հարցին, թե հնարավոր չէ՞ վարչական պատասխանատվության ենթարկել խանութից առանց ՀԴՄ կտրոնի դուրս եկող քաղաքացիներին, պատասխանեց. ««Հնարավոր է, եթե մեր բյուջեն 100 անգամ ավելի լինի»:
Բադասյանը պարզաբանեց, որ այդպիսի վարչարարություն վարելը նշանակում է, որ ՊԵԿ-ը մոտ 100 000 աշխատող պետք է ունենա, և տարակուսանք հայտնեց՝ արդյոք նման վարչարարությունը արդյունավետ կլինի, թե ոչ:
«Նույնիսկ դեպք է պատահել, որ ՀԴՄ կտրոն ինձ չեն տրամադրել»,- հայտնեց ՊԵԿ նախագահը և պնդեց, որ ակներև է, որ կա ստվեր և մեծ ծավալի վարչարարական խնդիրներ, սակայն այն չի նշանակում, որ ՀԴՄ կտրոններով գործարքների աճը չի գրանցվում:
Նրա խոսքով՝ ինչքան էլ առօրյա կյանքում տեսնեն ՀԴՄ կտրոն չտալու երևույթներ, միևնույն է՝ աճն արձանագրվում է թվերով:
Հովիկ Աղազարյանը չհամաձայնեց ՊԵԿ նախագահի հետ և պնդեց, որ այդ մեխանիզմը կիրառելու դեպքում 20 %-ով կավելանա ՀԴՄ-ներով գործարքների վիճակագրական թվերը:
Մանրամասները՝ տեսանյութում:
