18.05.2026 | 20:25
Աշխարհում մահապատիժների թիվը հասել է 1981թ. ի վեր ամենաբարձր մակարդակին. Իրանն առաջատարն է. Amnesty International
Գյումրու ավագանու կազմը հայտնի է․ քաղաքապետը կընտրվի նոյեմբերի 3-ին․ ՏԵՍԱՆՅՈՒԹ
Քաղաքականություն
28.10.2021 | 16:10
Այսօր թիվ 31 ընտրատարածքային հանձնաժողովում Գյումրիու ՏԻՄ ընտրություններին մասնակցած 5 քաղաքական ուժերի լիազոր ներկայացուցիչներին հանձնվեցին Գյումրու ավագանու կազմը համալրած նորընտիր անդամների անհատական մանդատները։
Գյումրու ավագանին կունենա 33 անդամ, 14 մանդատ բաժին հասավ «Բալասանյան դաշինք» սոցիալական կուսակցությանը, 11 մանդատ՝ «Քաղաքացիական պայմանագիր» կուսակցությանը, 4 մանդատ՝ «Զարթոնք»-ին, 2-ական մանդատներ՝ ՀՀԿ-ին ու «Ապրելու երկիր» կուսակցությանը։
Հանձնաժողովի նախագահ Տիգրան Ղազարյանը, շնորհավորելով բոլորին, տեղեկացրեց, որ Գյումրու ավագանու առաջին նիստը տեղի կունենա նոյեմբերի 3-ին, որի ժամանակ էլ, ըստ օրենքի, ավագանին կընտրի քաղաքապետ։
Հիշեցնենք, որ «Քաղաքացիական պայմանագիր» կուսակցության քաղաքապետի թեկնածու, Շիրակի մարզպետ Հովհաննես Հարությունյանն ինքնաբացարկի դիմում էր ներկայացրել, որը նշանակում է՝ իշխող կուսակցությունը հրաժարվում է Գյումրու համայնքապետի պաշտոնից։
Մենք «Բալասանյան դաշինք»-ի լիազոր ներկայացուցիչ Արման Շաբոյանից հետաքրքրվեցինք՝ կա՞ արդեն որևէ քաղաքական ուժի հետ կոալիցա կազմելու որոշում։
Վերջինս տեղեկացրեց, որ արդեն ավարտել են ներթիմային քննարկումները, այսօր կսկսվեն մյուս քաղաքական ուժերի համագործակցության շուրջ քննարկումները։
«Քաղաքապետի թեկնածուն միանշանակ մերն է՝ Վարդգես Սամսոնյանն է»,- հայտարարեց Արման Շաբոյանը։
Արմիկ Մովսիսյան
