Քաղաքականություն
27.10.2021 | 16:17Ազգային ժողովում շարունակվում են հերթական նիստի աշխատանքները: ԱԺ պատգամավորների մեկ քառորդի պահանջով դատարաններում գործերի օրենքով սահմանված բաշխման կարգի խախտմամբ, ինչպես նաև արդարադատության նախարարի կողմից դատավորների նկատմամբ կարգապահական վարույթների հարուցմամբ արդար դատաքննությունը խոչընդոտող փաստերն ուսումնասիրելու նպատակով ստեղծվել է ԱԺ քննիչ հանձնաժողով: Քննիչ հանձնաժողովի անդամների թիվը սահմանվում է Ազգային ժողովի որոշմամբ:
«Հայաստան» դաշինքի պատգամավոր, քննիչ հանձնաժողովի նախաձեռնության ներկայացուցիչ Արամ Վարդևանյանի ելույթից հետո «Քաղաքացիական պայմանագիր» խմբակցության պատգամավոր Վլադիմիր Վարդանյանը մոտեցավ ամբիոնին և, դիմելով ԱԺ փոխնախագահին, նշեց. «Ես Ձեզ շեղել եմ ճիշտ ուղուց, պարոն Ռուբինյան, պետք է ներողություն խնդրեմ.. Ես Ձեզ շեղել եմ ճիշտ ուղուց, որպեսզի մեկ ստորագրությամբ մերժեիք այս աբսուրդի թատրոնը, և մենք այսօր այս քննարկումը չունենայինք, և ո՛չ Ձեզ մեղադրեր պարոն Վարդևանյանը, ո՛չ էլ ես հայտնվեի այսպիսի անհասկանալի իրավիճակում:
Վարդանյանի դիտարկմամբ՝ Ազգային ժողովը չի կարող դատարաններում գործերի օրենքով սահմանված կարգի խախտումներ հայտնաբերել և ֆիքսել: Նրա խոսքով՝ չպետք է մխրճվել դատական իշխանության մեջ:
Մանրամասները՝ տեսանյութում:
