05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
Այսօրվանից ԵՊՀ-ն անցել է հեռավար ուսուցման, քննությունները ևս պետք է անցկացվեն հեռավար տարբերակով
Հասարակություն
26.10.2021 | 13:25
Երևանի պետական համալսարանը հոկտեմբերի 26-ից մինչև նոյեմբերի 15-ը անցնում է հեռավար ուսուցման: Այս մասին Factor.am-ին հայտնեց ԵՊՀ խոսնակ Ազնիվ Գրիգորյանը։
Հատկանշական է, որ այս շաբաթ ԵՊՀ-ում նախատեսված են միջանկյալ քննություններ, ուսանողներին՝ մինչև հեռավար ուսուցման անցնելու որոշումը կայացնելը հայտնել էին, որ քննություններն անցկացվելու են առկա տարբերակով։ Եթե այսօրվանից համալսարանն անցնում է հեռավար ուսուցման, ապա այդ դեպքում ո՞ր տարբերակով են կազմակերպվելու քննությունները․ այս հարցն ուղղեցինք ԵՊՀ խոսնակին․
«Համալսարանն ամբողջությամբ է անցել հեռավար ուսուցման, եթե ֆակուլտետներում քննությունների՝ հեռավար անցկացման մասով խնդիրներ կլինեն, ապա իրենք են որոշելու, թե ինչպես կազմակերպեն դրանք»,- ասաց խոսնակը։
Գրիգորյանը, սակայն, նշեց որ քննություններն առկա անցկացնելու համար պետք է լինեն հստակ պատճառներ՝ օրինակ, եթե այնպիսի քննություն է, որը հնարավոր չէ կազմակերպել հեռավար տարբերակով։ Բայց եթե կուրսում կա կորոնավիորւսով վարակվածության թեկուզ մեկ դեպք, ապա քննությունների՝ առկա տարբերակով անցկացումը բացառվում է։
Արփի Հակոբյան
