Հասարակություն
26.10.2021 | 11:24Ազգային ժողովը քննարկում է կառավարության ներկայացրած օրենքի նախագիծը, որով առաջարկվում է ամանորյա տոներին ոչ աշխատանքային սահմանել միայն դեկտեմբերի 31-ը, հունվարի 1-ը և 6-ը:
«Զարմացած եմ, էկոնոմիկայի նախարարն է հարցը զեկուցում, ու ասում է՝ չեմ ուզում տնտեսական հաշվարկների մեջ: Այդ դեպքում ինչո՞ւ է էկոնոմիկայի նախարարը զեկուցում»,-նշեց «Հայաստան» խմբակցության պատագամավոր Արթուր Խաչատրյանը՝ անտեղի համարելով, որ Էկոնոմիկայի նախարարը ասացվածքներ էր մեջբերում:
«Գրքից մեջբերում եք անում է, ասացվածքներ էլ արեք՝ «Ով ալարի, ոչ դալարի», «Ով չաշխատի, նա չուտի», «Աշխատանքը գեղեցկացնում է մարդուն», «Աշխատանքը կապիկին մարդ սարքեց»…: Էկոնոմիկայի նախարար եք, եկեք հիմնավորեք տնտեսական լեզուներով», – հայտարարեց Խաչատրյանը:
Նա նշեց, թե երբ գյուղացին առավոտյան զարթնում է, գնում է իր կովին կթելու, ոչ թե օրացույցին է նայում. «Չի ասում՝ էսօր կիրակի է, կովիս չպետք է կթեմ, էսօր շաբաթ է, ծիրանը չպետք է քաղեմ: Ինչի՞ հիման վրա եք այս հաշվարկը արել», – նշեց ընդդիմադիր պատգամավորը:
Խաչատրյանի խոսքով՝ երբ խոսվում է քաղաքակիրթ աշխարհի մասին, պետք է գնալ քաղաքակիրթ աշխարհի ճանապարհով:
«Զայրույթս, մտահոգությունս հետևյալն է՝ Էկոնոմիկայի նախարարը հարց է զեկուցում, բանակի պատրաստավծության մասին է խոսում, հիմա այդ մակարդակի իջնե՞նք, պարոն Քերոբյան», – ասաց Խաչատրյանը:
Մանրամասները՝ տեսանյութում:
