19.12.2025 | 19:33
Յուրա Մովսիսյանը լավատեսորեն է տրամադրված Հայաստանի հավաքականի ապագայի վերաբերյալ
Իշխանությանը մեղադրում են մեկ անձից գնումների համար, պարզաբանում տվեք. Թունյանը՝ փոխնախարարին․ ՏԵՍԱՆՅՈՒԹ
Տեսանյութեր
20.10.2021 | 12:37
ԱԺ տնտեսական հարցերի մշտական հանձնաժողովը հոկտեմբերի 20-ի նիստում, ի թիվս այլ նախագծերի, քննարկել է նաև «Գնումների մասին» օրենքում փոփոխություններ և լրացումներ կատարելու մասին, «Պետական կառավարման համակարգի մարմինների մասին» օրենքում փոխություններ կատարելու մասին, «Պետական տուրքի մասին» օրենքում փոփոխություններ և լրացումներ կատարելու մասին, «Քաղաքացիական դատավարության օրենսգրքում» փոփոխություններ և լրացումներ կատարելու մասին նախագիծը:
Նախագիծը հանձնաժողովի նիստում ներկայացրեց ՀՀ Ֆինանսների նախարարի տեղակալ Ավագ Ավանեսյանը:
«Վերջին շրջանում հնչում են քննադատություններ, իշխանությանը մեղադրում են կոռուպցիայի մեջ՝ վկայակոչելով մեկ անձից գնումների ծավալը: Եթե ձեր ձեռքի տակ կա վիճակագրություն մեկ անձից գնումների ծավալի վերաբերյալ, խնդրում եմ ներկայացրեք դինամիկան՝ ընտ տարիների, և պարզաբանում տվեք»,- «Քաղաքացիական պայմանագիր» խմբակցության պատգամավոր Բաբկեն Թունյանն այս հարցն ուղղեց ՀՀ Ֆինանսների նախարարի տեղակալին:
Ի պատասխան՝ Ավանեսյանն ընդգծեց, որ իշխանության քաղաքակնությունն ուղղված է նրան, որ հնարավորինս նվազեցվի մեկ անձից կատարվող գնումները ընդհանուր գնումների ծավալի մեջ:
«Սակայն կան կետեր, որոնց դեպքում պետք է մեկ անձից կատարվի գնումը, օրինակ՝ դրանք հանրային ծառայություններն են՝ էլեկտրաէներգիայի, գազի ձեռքբերումը: Մեկ անձից իրականացվող գնումների մեծ մասը առողջապահական համակարգն է իրականացնում»,- նշեց փոխնախարարը:
Մանրամասները՝ տեսանյութում:
