18.12.2025 | 18:11
Մեծաթիվ ոստիկանական ուժեր և հավաք Մայր Աթոռում // Փաշինյանը Պետերբուրգ կմեկնի՝ ԵՏՄ նիստի․ ԼՈՒՐԵՐ
Արդեն որերորդ անգամ է՝ իմ իրավունքները խախտվում են դատարանում. Արմեն Գևորգյան․ ՏԵՍԱՆՅՈՒԹ
Հասարակություն
19.10.2021 | 14:11
Երևան քաղաքի ընդհանուր իրավասության դատարանն այսօր շարունակում է ՀՀ երկրորդ նախագահ Ռոբերտ Քոչարյանի ու ՀՀ նախկին փոխվարչապետ Արմեն Գևորգյանի գործով դատական նիստը։
Արմեն Գևորգյանի պաշտպաններ Ալեքսանդր Կոչուբաևը և Լուսինե Սահակյանը բացակա են: Կուբաչևը տեղեկացրել է դատարանին, որ չի կարող ներկայանալ նիստին մեկ այլ դատական նիստով ծանրաբեռնված լինելու պատճառով, իսկ Լուսինե Սահակյանի բացակայության պատճառների մասին տեղեկություն չունի ո՛չ դատարանը, ո՛չ Գևորգյանը։
Դատավոր Աննա Դանիբեկյանի հարցին, թե ինչու Գևորգյանը չի կարողանում հիմա զանգահարել և պարզել Լուսինե Սահակյանի բացակայության պատճառները, Արմեն Գևորգյանը պատասխանեց. «Իսկ ինչո՞ւ դա չի անում դատարանը»:
Ամբաստանյալը նաև ընդգծեց, որ մինչև հիմա դատարանն իր բոլոր միջնորդությունները մերժել է և արդեն որերորդ անգամ խախտվում են իր իրավունքները:
Նա նաև հավելեց, որ դատարանում պատշաճ պայմաններ չեն ստեղծվում պաշտպանների համար, որպեսզի նրանք կարողանան աշխատել:
Մանրամասները՝ տեսանյութում:
