19.05.2026 | 21:25
Փաշինյանի՝ ՀՀ տարածքում հայերի թվի մասին պնդումը սխալ է․ հայերը եղե՛լ են 90 տոկոսից ավելի
Իլհամ Ալիևը կնոջ հետ այցելել է Արցախի գրավյալ Վարանդա․ ԼՈՒՍԱՆԿԱՐՆԵՐ
Քաղաքականություն
18.10.2021 | 13:56
Ադրբեջանի նախագահ Իլհամ Ալիևը կնոջ՝ Մեհրիբան Ալիևայի հետ այցելել է Արցախի գրավյալ Վարանդա (Ֆիզուլի)։ Ադրբեջանական լրատվամիջոցների հաղորդմամբ՝ Ալիևը մասնակցել է Ֆիզուլի-Աղդամ մայրուղու և նոր «խելացի գյուղի» հիմնարկեքին։
Ալիևները նաև այցելել են Վարանդայի օդանավակայան, որի պաշտոնական բացմանը մասնակցելու է Թուրքիայի նախագահ Ռեջեփ Թայիփ Էրդողանը։
Բացի այդ, Ալիևը Վարանդայում «Ազերիշիգ» թվային ենթակայանի հիմքն է դրել, ծանոթացել զբոսայգում ստեղծվելիք պայմաններին, ծառեր տնկել։ Ադրբեջանի նախագահը նաև մասնակցել է առաջին բնակելի շենքերի հիմնարկեքին։
Իլհամ Ալիևը հայտարարել է, որ «Խելացի գյուղ» ծրագրի շրջանակում պատրաստվում են մինչև 2022 թվականի ավարտը մեծ բնակելի ավան ստեղծել։
«Դովլեթարլի գյուղում «խելացի գյուղ» հայեցակարգի հիմքն է դրվել։ Այդ ծրագիրը 5 գյուղ է միավորում, և հուսով եմ, որ մինչև մյուս տարեվերջ այն արդեն կլինի տեղահանվածների տրամադրության տակ»,- ասել է Ալիևը։
Գյուղում առաջին փուլում նախատեսվում է 450 տուն կառուցել, երկրորդ փուլում՝ 300 տուն։
Էմմա Չոբանյան
