03.08.2026 | 22:44
Մեկնարկել են ուժային կառույցների միջև անցկացվող բանակային խաղերը
Մինչև 3 հա հողատարածքների ոռոգման ջրի վարձը կփոխհատուցվի, եթե անցնեն կաթիլային համակարգի. Փաշինյան. ՏԵՍԱՆՅՈՒԹ
Տնտեսություն
14.10.2021 | 11:50
Կառավարությունը 329 մլն դրամ հատկացրեց Էկոնոմիկայի նախարարությանը «Հայաստանի Հանրապետությունում աշնանացան ցորենի արտադրության խթանման 2021 թվականի պետական աջակցության» ծրագրի համար, որի շրջանակներում սուբսիդավորվելու է 1 կգ ցորենի համար սահմանված նվազագույն շահավետ գնի 70 դրամը:
Կառավարությունն ընդունեց նաև նախագիծ, ըստ որի՝ մինչև 3 հա հողատարածքների ոռոգման ջրի վարձը կփոխհատուցվի 5 տարի ժամկետով, եթե անցնեն կաթիլային համակարգի:
«Նախագծի ընդունումը պայմանավորված է ոռոգման ջրի խնայողաբար և արդյունավետ օգտագործման, նոր հողատարածքների ավելացման, մատակարարված ոռոգման ջրի հաշվառման գործընթացի բարելավման, հողօգտագործողների եկամուտների աճի ապահովման, գյուղատնտեսությամբ զբաղվողների ֆինանսական բեռի նվազեցման անհրաժեշտությամբ»,- ասաց ՀՀ տարածքային կառավարման և ենթակառուցվածքների նախարար Գնել Սանոսյանը:
Նա նշեց, որ Հայաստանում առկա են գերնորմատիվային հողատարածքներ, որտեղ ոռոգման ջրի պահանջարկը նորմատիվայինից 2-3 անգամ ավելի է:
«Որոշման նախագծի ընդունումը հնարավորություն կտա այդ տարածքներում աճեցնել ջրախնայող մշակաբույսեր, կաթիլային, անձրևացման ոռոգման համակարգերով ջուրը կօգտագործվի արդյունավետ եղանակով»,- նշեց Գնել Սանոսյանը:
Մանրամասները՝ տեսանյութում:
