Հասարակություն
12.10.2021 | 15:43«Այս դատական գործընթացը շարունակվում է անադեկվատության սահմաններում: Դատավորն ի վիճակի չէ գնահատել փոփոխված իրավիճակը, փոփոխված պայմաններն ու միջավայրը և մեխանիկորեն մերժում է միջնորդությունները: Այսպես ասած «վրայից գցում է» 404 հազար դրամը պետական բյուջե վերադարձնելու հնարավորություն տալը»,- այս մասին դատական նիստից հետո լրագրողների հետ զրույցում ասաց ՀՀ նախկին փոխվարչապետ, «Հայաստան» խմբակցության պատգամավոր Արմեն Գևորգյանը։
Նշենք, որ դատավոր Դանիբեկյանը թույլ չտվեց Արմեն Գևորգյանին մեկնել Մոսկվա, որտեղ դեկտեմբերի 1-3-ը նախատեսված է ԵԽԽՎ սոցիալական, առողջապահության և կայուն զարգացման հանձնաժողովի լիագումար նիստը, որին, որպես հանձնաժողովի անդամ, պետք է մասնակցեր Արմեն Գևորգյանը։ Դատարանը թույլ չտվեց նաև Արմեն Գևորգյանի գործուղման համար փոխանցված գումարը վերադարձնել ԱԺ-ին:
«Որպես ԱԺ պատգամավոր և որպես խորհրդարանական վեհաժողովի անդամ իմ ազատությունը, գործողությունները և հնարավորwuթյունները ամբողջությամբ սահմանափակված են և ես կաշկանդված եմ դատավորի անիրաչափ, ոչ օրինական գործողություններով։ Ես կարծում եմ, որ սա դառնալու է բավականին լուրջ քննարկումների առարկա, որովհետև սա չտեսնված պրակտիկա է նաև ԵԽ-ի համար։
Ես ստիպված եմ լինելու այս հարցերը բարձրացնել նաև Հայաստանի սահմաններից դուրս, համապատասխան ատյաններում, որովհետև սա իրոք անտրամաբանական իրավիճակ է։ Մենք պատրաստ չէինք դատարանի նմանատիպ պահվածքի»,- ասաց Գևորգյանը։
Մանրամասները՝ տեսանյութում։
