09.08.2026 | 15:31
Հրդեհը բռնկվել է տանը կից շոգեբաղնիքում․ ՆԳՆ
Չեք կարող հիմա հրապարակել մեղադրական եզրակացությունը․ Գևորգյանի պաշտպանը լքեց նիստերի դահլիճը. ՏԵՍԱՆՅՈՒԹ
Հասարակություն
12.10.2021 | 15:32
Հոկտեմբերի 12-ին Երևան քաղաքի ընդհանուր իրավասության դատարանը շարունակում էր քննել ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործով դատական նիստը։
Դատարանը թույլ չտվեց «Հայաստան» դաշինքի պատգամավոր և ՀՀ նախկին փոխվարչապետ Արմեն Գևորգյանին մեկնել Մոսկվա` մասնակցելու ԵԽԽՎ սոցիալական, առողջապահության և կայուն զարգացման հանձնաժողովի լիագումար նիստին։ Դատավորը համարեց, որ Գևորգյանը կարող է այդ նիստին առցանց մասնակցել։
Պաշտպանը հայտնեց, որ պատրաստվում է դատավորին ինքնաբացարկի միջնորդություն ներկայացնել։
Դատարանը փորձեց անցնել մեղադրական եզրակացության եզրափակիչ մասի հրապարակմանը, սակայն պաշտպանը Լուսինե Սահակյանը, ի նշան բողոքի դատավորի գործողություններին, լքեց դատական նիստերի դահլիճը։
«Չեք կարող հիմա հրապարակել մեղադրական եզրակացությունը, քանի որ պաշտպանը դատարանի դահլիճում չէ, Լուսինե Սահակյանը առանց դատարանի թույլտվության լքել է նիստերի դահլիճը, ինչը խոչընդոտել է դատական նիստի ընթացքը և հանգեցնում է դատական նիստի հետաձգման: Լուսինե Սահակյանի վարքագիծը դատարանը գնահատեց որպես ոչ իրավաչափ և որոշեց նրա նկատմամբ սանկցիա կիրառել»,- նշեց Աննա Դանիբեկյանը:
Դատական նիստը հետաձգեց մինչև հոկտեմբերի 19-ը, ժամը 13։00-ն։
Մանրամասները՝ տեսանյութում:
