19.05.2026 | 12:43
Հայտնի է՝ ով է «Մանչեսթեր Սիթիում» փոխարինելու Խոսեպ Գվարդիոլային
Խոհանոցային մեղադրանքներ են. իմ եղբայրն ընկերությունում տնօրեն է, մրցույթը շահել է օրենքով. Ալեն Սիմոնյան․ ՏԵՍԱՆՅՈՒԹ
Տեսանյութեր
12.10.2021 | 14:34Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
«Իմ եղբայրը նշված կազմակերպությունում մասնակցել է 40-ից ավելի մրցույթի՝ ոչ այնքան շահեկան։ Շահել են օրենքով նախատեսված ձևով»,- լրագրողների հետ զրույցում նշեց ԱԺ նախագահ Ալեն Սիմոնյանը՝ անդրադառնալով իր եղբոր ղեկավարած ասֆալտապատող ընկերության կողմից պետական գնումների մրցույթներին մասնակցելու և դրանցում շահելու փաստին:
Սիմոնյանը նշեց, որ այդ մասին շահարկվում է «դեղին մամուլում». «Այդ շահարկումներից ու խոհանոցային զրույցներից մարդիկ հոգնել են…
Հորդորում եմ՝ ուշադրություն դարձնենք իրական բաների վրա, որովհետև մանկապարտեզից սկսած՝ իմ կյանքը արդեն բոլոր տեսակի խոշորացույցներով նայել են։ Եթե նման հանցակազմ կա, եթե նման բան գոյություն ունի, վստահ եղեք, որ նման բանը տեղ չի ունենա»,- նշեց Սիմոնյանը։
Նա ընդգծեց, որ երկու խոշոր մրցույթ շահած կազմակերպությունում իր եղբայրը «որպես տնօրեն է աշխատում, կարող էր նաև որպես հաշվապահ աշխատել»: Նրա խոսքով՝ այդ տրամաբանությամբ, ստացվում է, որ իր եղբայրը կամ մյուս ազգականները Ալեն Սիմոնյան անուն-ազգանունը սոցցանցում «շահարկելու» պատճառով չպետք է որևէ տեղ աշխատեն կամ կազմակերպությունները, որտեղ նրանք աշխատում են, չպետք է մասնակցեն մրցույթների։
«Ես ցանկանում եմ, որ այդ կազմակերպությունն էլ ավելի շատ բաներ շահի, եթե պետությանը դա ձեռնտու է»,- նշեց Սիմոնյանը՝ խոսելով եղբոր ղեկավարած ընկերության մասին։
Դիտարկմանը, որ նախկինում իրենք մեծ քննադատության էին ենթարկում իշխանության հետ փոխկապակցված անձանց (նույնիսկ եթե նրանք որպես տնօրեն էին հանդես գալիս)՝ պետական գնումների մրցույթներին մասնակցելու կամ շահելու երևույթը, Սիմոնյանն արձագանքեց․«Ես համարում եմ, որ սա շինծու թեմա է: Եթե դուք այդքան լավ մասնագիտացված եք, այդ հարցը տալիս եք, դուք էլ «Ազատություն» ռադիոկայանն եք, լուրջ լրատվամիջոց եք, ես առաջարկում եմ հետաքննություն անցկացնել, տեսնել՝ իմ եղբոր հետ կապված կա՞ արդյոք կոռուպցիոն որևէ բան։ Ինչ-որ մեկը բողոքե՞լ է, ավելի լավ գի՞ն է տվել, բայց նախապատվությունը տրվել է կազմակերպությանը, որտեղ իմ եղբա՞յրն է աշխատում։ Ուրիշ ժամանակ կդնեք, մանկապարտեզից սկսած՝ կհետազոտեք։ Բա, գտեք մի բան»,- նշեց Ալեն Սիմոնյանը՝ հավելելով՝ տեսեք իմ եղբայրը դղյակներ ունի՞, ի՞նչ պայմաններում է ապրում, որքա՞ն է նրա աշխատավարձը:
Մանրամասները՝ տեսանյութում:
