09.06.2026 | 21:33
Բաքվի վերաքննիչ դատարանում Արայիկ Հարությունյանի փաստաբանը խնդրել է արդարացնել իր պաշտպանյալին
Կեղծ պատվաստումների մասին ահազանգ հնչեցնելու փոխարեն ձերբակալեք այդ բժիշկներին. Փաշինյանն ԱԱԾ-ին խիստ հանձնարարական տվեց. ՏԵՍԱՆՅՈՒԹ
07.10.2021 | 11:53
«Ինձ մի՛ ասեք՝ ով է խանգարում, ով չի խանգարում, ձեր առջև խնդիր եմ դրել, գնացեք լուծեք»,- Կառավարության նիստում այս մասին նշեց ՀՀ վարչապետ Նիկոլ Փաշինյանը՝ դիմելով առողջապահության նախարարին և կառավարության անդամներին, անդրադառնալով որոշ շրջանակների կողմից հակապատվաստումային քարոզչություն անելուն:
Վարչապետի դիտարկմամբ՝ պատվաստվելն անհրաժեշտություն է, բայց պատվաստման թվերը գոհացուցիչ չեն:
«Գնացեք լուծեք, ոչ մեկ չի կարող մեզ խանգարել գործել, խնդիր եմ դրել, գնացեք լուծեք, վատ է, շատ վատ է պատվաստման թվերը ու որևէ ուրիշ մեկից չբողոքեք: Վերաբերում է դահլիճում նստած բոլորինՙ որ գալիս ասում եքՙ էս ինչ աշխատողը վախենում է պատվաստվի։ Պետական կառավարման համակարգում մարդ չպետք է լինի, որը պատվաստված չլինի։ Անձամբ բոլոր առաջին դեմքերը պատասխանատվություն են կրում դրա համար: Հերիք է նստենք բողոքենք, էլ տենց բաներ չլսեմ: Գնացեք ու խնդիրները լուծեք»,- նշեց վարչապետը:
Փաշինյանը դիմեց նաև իրավապահ մարմիններին՝ կոչ անելով խիստ միջոցներ ձեռնարկել: Նա ԱԱԾ-ին ու Ոստիկանությանը հանձնարարեցՙ կեղծ պատվաստումների մասին ահազանգ չհնչեցնել, այլ կալանավորել, ձերբակալել այն բժիշկներին, ովքեր օգտվում են առիթից: «Չպատվաստելու և պատվաստանյութը փչացնելու համար շատ խիստ միջոցներ պետք է ձեռնարկել»,- ասաց վարչապետը:
Մանրամասները՝ տեսանյութում:
