Հասարակություն
06.10.2021 | 11:44Հադրութցիները կառավարության առջև բողոքի ակցիա են անում` նրանք պահանջում են լուծել ինչպես բնակարանային, այնպես էլ իրենց կարգավիճակի հարցը։
«45 օր առաջ նամակ ենք հանձնել կառավարությանը, բայց մինչև հիմա պատասխան չունենք, թե ինչ են մտածում Արցախից տեղահանված բնակիչների մասին, որոնք ՀՀ-ում են»,- նշեց հադրութցի տղամարդը:
«Մենք փաստացի տեղահանված ենք, ունենք ՀՀ անձնագիր, սակայն ՀՀ քաղաքացի չենք համարվում։ Ունենք պարտականություններ, սակայն որևէ իրավունք չունենք, այսինքն` չգիտենք, թե ինչ կարգավիճակ ունենք, ովքեր ենք։ Բացի այդ, շուտով ձմեռ է գալիս, և բնակարան տրամադրելու հարցում էլ որևէ տեղաշարժ չկա»,-ասաց տեղահանված հադրութցիներից մեկը։
Նա հավելեց` ՀՀ անձնագիր 90-ականների վերջին են ստացել, և հիմա որևէ հադրութցի չգիտի, թե ինչ է լինելու իր ճակատագիրը։
Հադրութցիները հայտնեցին` պատկան մարմինների շատ ներկայացուցիչների հետ են հանդիպել, սակայն իրենց խնդիրներն այդպես էլ լուծում չի ստանում։
Մանրամասները՝ տեսանյութում:
