12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Նստացույցի մասնակիցը մանրամասներ է հայտնում իրեն ոստիկանական բաժանմունք տանելու մասին․ ՏԵՍԱՆՅՈՒԹ
23.03.2018 | 17:33
Ազատության հրապարակում ազատամարտիկ Վոլոդյա Ավետիսյանն ու իր աջակիցներից մի քանիսը շարունակում են երկու օր առաջ մեկնարկած նստացույցը։ Ազատամարտիկը մեզ հետ զրույցում ասաց, որ նստացույցը կտևի մինչև մարտի 30-ը, որից հետո կորոշեն՝ շարունակե՞լ պայքարը, թե՞ ոչ։
Նստացույցի մասնակիցներից մեկին՝ 18-ամյա Արթուր Մարգարյանին, նստացույցի օրերին մոտեցել են քաղաքացիական հագուստով ոստիկաններ ու նրան տարել Ապարանի ոստիկանական բաժանմունք։ Տղան Factor.am-ի հետ զրույցում մանրամասնեց կատարվածը՝ նշելով, որ իր մայրիկին սպառնացել են, որպեսզի նա գրի, թե ինքը երեք օր է, ինչ անհետ կորել է, մայրն էլ վախեցել է ու արել նրանց ասածը, բայց ինքը վստահեցնում է, որ ծնողների հետ միշտ էլ կապի մեջ է եղել։
Ի դեպ, մինչ Ազատության հրապարակում քաղաքացիները նստացույց էին անում, մեր տեսախցիկը ֆիքսեց, թե ինչպես է նույն տեղում ոստիկանական նվագախումբը միջոցառման նախապատրաստման փորձեր իրականացնում։
Մանրամասները՝ տեսանյութում։
