29.06.2026 | 13:12
Եվրոպայում ծայրահեղ շոգի պատճառով հունիսի 21-ից ավելի քան 1300 մարդ է մահացել․ ԱՀԿ ղեկավար
Լևոն Բարսեղյանի որդուն բերման են ենթարկել՝ սառը զենք կրելու կասկածանքով
Հասարակություն
21.03.2018 | 18:56
Մոտ մեկ ժամ առաջ ոստիկանները Երևանի Հյուսիսային պողոտայից բերման են ենթարկել Գյումրու «Ասպարեզ» ժուռնալիստների ակումբի նախագահ Լևոն Բարսեղյանի որդուն՝ Հայկ Բարսեղյանին:
Ոստիկանության լրատվական վարչությունից տեղեկացանք, որ պատճառը հասարակական վայրերում սառը զենք կրելու կասկածանքն է:
Նշենք, որ Հայկ Բարսեղյանը նկարահանել է այդ պրոցեսը և տեղադրել իր ֆեյսբուքյան էջում։ Ավելի ուշ, սակայն, տեսանյութը ջնջվել է։
Factor.am կապ հաստատեց Լևոն Բարսեղյանի հետ։ Նա, սակայն, նշեց, որ իրեն հավելյալ մանրամասներ հայտնի չեն և այս պահին որևէ բան ասել չի կարող։
Հիշեցնենք, որ Հայկ Բարսեղյանը սուր հրապարակումներով աչքի ընկնող SOS TV-ի հիմնադիրն է։
Լիլիթ Շաբոյան
