12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
Եթե մենք էդքան չապացուցեինք, որ ակնհայտ անհեթեթ է Սեֆիլյանի մեղադրանքը, միգուցե էդքան խիստ չլիներ պատիժը. փաստաբան Տիգրան Հայրապետյան. ՏԵՍԱՆՅՈՒԹ
Հասարակություն
21.03.2018 | 17:19
Էս երկու օրը մտածել եմ, որ եթե մենք էդքան չապացուցեինք, որ ակնհայտ անհեթեթ է մեղադրանքը, միգուցե էդքան խիստ չլիներ պատիժը. այսօր հրավիրված ասուլիսին ասաց Ժիրայր Սեֆիլյանի փաստաբան Տիգրան Հայրապետյանը՝ խոսելով իր պաշտպանյալի դատավճռից:
«Բայց որ մենք կարողացանք հիմնավորել, որ ընդհանրապես բան չկա, իրենք դրանից ավելի վրդովվեցին ու խստացրին վճիռը: Հակառակ դեպքում մենք հետևյալ պատկերը կունենայինք. Սեֆիլյանի ասած թվերն եմ ասում, իսկ մենք գիտենք, որ Սեֆիլյանը թվերի մեջ չի սխալվում, հանրապետության նախագահը հաստատել է դա, որ 800 հոգի մեկ տարի շարունակ հետևել են իրեն, այսինքն՝ օպերատիվ- հետախուզական միջոցառումներ են իրականացանել 3-4 տարբեր մարմիններ ու որևէ բան չեն հայտնաբերել: Ու էս պարագայում բոլոր իրավապահ մարմինները, դատախազությունն ու քննչական մարմինները պետք է հրաժարական տան, որովհետև բյուջեից տասնյակ-միլիոնավոր դոլարներ են վատնվել ու արդյունք չի եղել»,- ասաց փաստաբանը, ապա հավելեց. «Արդարադատության իրականացումը Հայաստանում խոր անդունդի մեջ թաղվեց: Ու բոլոր մարմիններին մեսիջ հասավ, որ կարևորը պատվերը կատարելն է, և եթե պատվիրատուն ամենաբարձր մակադակում է, խնդիր չի ունենա որևէ մեկը»:
Մանրամասները՝ տեսանյութում:
