16.12.2025 | 16:05
Մայր Աթոռի արձագանքը՝ պատարագների ընթացքում կաթողիկոսի անունը զեղչելուն
Սեֆիլյանի դատավճիռը մեսիջ էր ուղղված յուրաքանչյուր ազատամիտ քաղաքացու, որ եթե ընդվզեք՝ իշխանությունը երկարատև ազատազրկմամբ ձեզ կլռեցնի. փաստաբան. ՏԵՍԱՆՅՈՒԹ
Քաղաքականություն
21.03.2018 | 16:42
Ընդվզել պետք է հանուն մեր երկրում արդարադատության հաստատման: Մեր արդարադատության համար սև օր պիտի հիշվի մարտի 20-ը՝ Ժիրայր Սեֆիլյանի դատական ակտով. հրավիրված մամուլի ասուլիսին ասաց փաստաբան Արայիկ Պապիկյանը:
Ապա խոսելով Ժիրայր Սեֆիլյանի դատավճռից, նկատեց. «Այն զուտ իրավաբանական առումով, որևէ գնահատականի արժանի չէ, որովհետև չի բխում իրավունքից և արդարադատությունից: Քաղաքական իշխանության համար դա, բնականաբար, հաջողված դատական ակտ էր, իսկ հետապնդվող անձի համար, արդարադատություն չէր, այլ քաղաքական հետապնդում, ու դա միանշանակ է: Մեր արդարադատությունը մի կողմ ենք թողել ու արդարադատության մարմինն օգտագործում ենք քաղաքական հարցեր լուծելու համար, սա ամենավտանգավորն է, ու այդ վտանգն ուղղվածն է ազատ մտածող յուրաքանչյուր քաղաքացու: Տեսեք, ես չեմ խոսում իրավապաշտպանների, ակտիվ գործունեություն ծավալող անձանց մասին, այլ առհասարակ Հայաստանի յուրաքանչյուր ազատամիտ անձի մասին, որն ստացավ անուղղակի այն նամակը կամ մեսիջը, որ եթե մեր իշխանության դեմ դուք կփորձեք բարձրաձայնել, հրապարակային ելույթներ ունենալ, խնդիրները վեր հանել, ապա քաղաքական իշխանությունը լուծման ձևերը գիտի, դատարանը կօգտագործի այդ նպատակով ու շատ երկարատև ազատազրկումով ձեզ կլռեցնի»:
Մանրամասները՝ տեսանյութում:
