26.02.2026 | 23:27
Հայաստանի մի շարք հասցեներում էլեկտրաէներգիայի անջատումներ կլինեն
«Արևմուտք-2021» զորավարժություններին առաջին անգամ կիրառել են «Պլատֆորմ-Մ» մարտական ռոբոտներ
Քաղաքականություն
11.09.2021 | 18:16
Զինվորականներն առաջին անգամ «Արևմուտք-2021» զորավարժությունների ժամանակ կիրառել են «Պլատֆորմ-Մ» մարտական ռոբոտներ։ Iz.ru-ի փոխանցմամբ՝ այս մասին սեպտեմբերի 11-ին հայտնել են ՌԴ ՊՆ-ից։
«Քաղաքային պայմաններում պայմանական անօրինական զինված կազմավորումների վերացման ուղղությամբ զորքերի (ուժերի) գործնական գործողությունների շրջանակներում զորավարժությունների առաջադրանքների կատարման և ստացիոնար և շարժական թիրախներին հարվածներ հասցնելու ժամանակ մոտոհրաձիգներն ու դեսանտայինները «Պլատֆորմ-Մ» հեռակառավարվող ռոբոտացված հարվածային համալիրներ են կիրառել»,- ասված է հաղորդագրության մեջ:
Բացի այդ, «Պլատֆորմ-Մ» ռոբոտներն օգտագործվել են ականադաշտերում հետախուզություն իրականացնելու և անցումներ կատարելու համար:
Գերատեսչությունում նշել են, որ անօդաչու թռչող սարքերն ակտիվորեն կիրառվում են թիրախների խոցման արդյունավետության գնահատման և հրետանային ու տանկային ստորաբաժանումների կրակի ճշգրտման, ինչպես նաև հետախուզական ստորաբաժանումների շահերի համար:
Բացի «Պլատֆորմ-Մ»-ից, զորավարժությունների ընթացքում գործի են դրվել «Օռլան» և «Ֆորպոստ» անօդաչուները ՝ հրետանային և տանկային ստորաբաժանումների կրակի ճշգրտման համար:
«Արևմուտք-2021» ռազմավարական զորավարժությանը մասնակցում են շուրջ 200 հազար զինծառայողներ, ավելի քան 80 ինքնաթիռներ և ուղղաթիռներ, մինչև 760 միավոր մարտական տեխնիկա, այդ թվում ՝ ավելի քան 290 տանկ, ավելի քան 240 զենք, համազարկային կրակի ռեակտիվ համակարգեր և ականանետեր, ինչպես նաև մինչև 15 նավ:
Ռուսաստանի Դաշնության և Բելառուսի զինված ուժերի համատեղ ռազմավարական վարժանքն անցկացվում է երկու տարին մեկ անգամ ՝ երկու պետությունների նախագահների ընդունած որոշմանը համապատասխան:«Արևմուտք-2021» վարժանքն ընթացիկ տարում երկու երկրների զինված ուժերի համատեղ պատրաստման ավարտական փուլն է։
