19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Ուզում եք զոհերին հարգե՞լ, էդ միջոցառումը Եռաբլուրում կազմակերպեք, տեսնեմ՝ կկարողանա՞ք․ զոհվածի հայր. ՏԵՍԱՆՅՈՒԹ
Հասարակություն
09.09.2021 | 13:24
«Պետք է նախ պարզել՝ եղել է դավաճանություն, թե ոչ: Եթե չի եղել դավաճանություն, ապա ղեկավարման հմտության վրա պետք է ուշադրություն դարձնել: Արդյո՞ք հմուտ ղեկավարում է եղել, կամ արդյո՞ք ընդհանրապես ղեկավարվել է տվյալ զորամասը, ստորաբաժանումը, տիրապետո՞ւմ էին իրադրությանը: Հստակ ինֆորմացիայի հոսք դեպի հրամանատարական կետ չի եղել, իրարամերժ, ոչ վստահելի ինֆորմացիա է եղել, և հրամանատարությունը ոչ ստույգ տեղեկությունների հիմա վրա է որոշումներ ընդունել»,- այս մասին Factor.am-ի հետ զրույցում նշեց զոհված զինծառայողի հայր Արմեն Ասրյանը՝ անդրադառնալով 44-օրյա պատերազմի հանգամանքներն ուսումնասիրող հանձնաժողովից ակնկալիքներին:
Անդրադառնալով դիտարկմանը, որ երեկ Նիկոլ Փաշինյանը հայտարարել է, թե ՀՀ անկախության տոնի առթիվ գունագեղ միջոցառում է կազմակերպվելու, որը նվիրվելու է նաև զոհվածների հիշատակին, Ասրյանը նշեց. «Եթե համարում եք, որ ուրախանալու տեղ ունեք, ուրախացեք, իսկ եթե ուզում եք զոհերին հարգել, միջոցառումը կազմակերպեք Եռաբլուրում, թող բոլորը գան, տեսնեն կատարվածը: Իսկ եթե ուզում եք հրճվեք, գնացեք Հրապարակում հրճվեք, բայց իմացեք, որ հազարավոր ընտանիքներ լացելու են այդ օրը»:
Մանրամասները՝ տեսանյութում:
