17.12.2025 | 14:55
Մենք հաշվի ենք առնում ադրբեջանական և հայկական կողմերի շահերը. Կոբախիձե
Ի՞նչ գործողություններ է իրականացնում Հայաստանը՝ Բաքվում կատարվող դատավարությունների հետ կապված․ ՏԵՍԱՆՅՈՒԹ
Հասարակություն
08.09.2021 | 14:15
Ի՞նչ գործողություններ է իրականացնում Հայաստանը՝ Բաքվում կատարվող դատավարությունների հետ կապված: Այսօր հրավիրված ասուլիսում ՄԻՊ Արման Թաթոյանն անդրադառնալով այս հարցին՝ ընդգծեց, որ ՀՀ ՄԻՊ գրասենյակը շարունակում է կոնսուլտացիաների, պաշտոնական հաղորդակցությունների պահանջների, զեկույցների տեսքով ներկայացնել խնդիրը՝ փորձելով հասնել իրավիճակի փոփոխության:
«Ամենակարևոր խնդիրներից մեկն է իրականությունը ցույց տալ և ապացուցել, որ արհեստական են, արհեստածին են և լեգիտիմություն չունեն բոլոր դատավարությունները, և որ դրանք արվում են որպես միջազգային շղարշ՝ արդարացնելու համար գերեվարված անձանց վերադարձի ձգձգումները: Ինքնին ձգձգումը պատերազմական հանցագործություն է: Այդ ձգձգումներով նպատակ ունեն քաղաքական ու ռազմական բնույթի առավելությունների հասնել»,- նշեց Թաթոյանը:
ՄԻՊ-ի հավասմամբ՝ բամաթիվ ֆորմատներով աշխատանքներ են իրականացվում. մի քանի երկրներում ներկայացվում են փաստերը:
Իրավապաշտպան Սիրանուշ Սահակյանը հավելեց, որ արդեն հնչել են հայտարարություններ, միջազգային կառույցները կոչ են անում առանց պայմանականությունների ազատ արձակել հայ գերիներին: «Կա հստակ կոնսենսուս, որ նոյեմբերի 9-ից հետո գերեվարված անձինք նույնպես ռազմագերիներ են»,- ասաց Սահակյանը:
Մանրամասները՝ տեսանյութում:
