Հասարակություն
08.09.2021 | 12:37Որևէ գերի զերծ չի մնացել անմարդկային վերաբերմունքից: Այս մասին այսօր հրավիրած ասուլիսում հայտնեց ՄԻԵԴ-ում հայ ռազմագերիների շահերը ներկայացնող իրավապաշտպան Արտակ Զեյնալյանը:
«Հնարավոր բոլոր խոշտանգումները մենք արձանագրել ենք, որոնք կարող են լինել։ Բոլորի նկատմամբ բոլորը չէ, որ կատարվել են, բայց բոլոր տեսակի խոշտանգումների վերաբերյալ արձանագրում ունենք։ Արդյոք կա՞ն գերիներ, որոնք չեն ենթարկվել անմարդկային վերաբերմունքի։ Եթե պարզ լինեմ, կասեմ հետևյալը՝ բոլոր գերիների վերաբերյալ գրեթե առանց բացառության մենք ներկայացրած ենք եղել դիմում ՄԻԵԴ, և Եվրոպական դատարանը կայացրած է եղել որոշում՝ հրատապ միջոց կիրառելու վերաբերյալ։ Գերիներից որևէ մեկը տեղեկացված չի եղել, որ իր վերաբերյալ Եվրոպական դատարանը գործ է քննում և իր վերաբերյալ կա որոշում, և Ադրբեջանի կառավարությանը պատավորեցված է կատարել որոշակի գորոծղություններ հօգուտ իրենց։ Այս անորոշությունն առնվազն բավարար է ասելու համար, որ որևէ մեկը զերծ չի մնացել անմարդկային վերաբերմունքից։
Այն, ինչ կատարվել է, մենք գործ ունենք բացառապես մարդասպանների հետ։ Զենքը վայր դրած անձը դադարում է լինել օրինական թիրախ, և պետության անունից հանդես եկող զինվորը չպետք է նրան շարքից հանի կամ սպանի։ Ժամանակակից աշխարհի կոնցեպցիան սա է։ Եվ սրանից ցանկացած շեղում այլևս իրավունքի խախտում է, պետության պարտականությունների խախտում է, որը նաև ենթադրում է պատասխանատվություն»,- նշեց Զեյնալյանը։
Մանրամասները՝ տեսանյութում:
