22.11.2024 | 20:33
3 ոսկե, 3 արծաթե և 8 բրոնզե մեդալ՝ Երևանում անցկացված Զինվորականների ըմբշամարտի աշխարհի 37-րդ առաջնությունից
Զինծառայողների ապահովագրման համար բյուջեում փող չկա, իսկ անիմաստ ծախսերի համա՞ր. ՏԵՍԱՆՅՈՒԹ
Տնտեսություն
16.03.2018 | 20:34
Հանրապետության գերագույն գլխավոր հրամանատարի՝ օրերս հրավիրած խորհրդակցության ժամանակ ամփոփվեց «Զինծառայողների ապահովագրության» հիմնադրամի մեկամյա գործունեությունը։
Հիշեցնենք՝ խոսքն այն հիմնադրամի մասին է, որին աշխատող ՀՀ յուրաքանչյուր քաղաքացուց ամսական պարտադիր 1000 դրամ գումար է գանձվում՝ զինվորների կյանքին և առողջությանը վնասի դեպքում փոխհատուցելու համար։
«Եթե պետությունն ունենար մեծ գումարներ, դեռ դրա ժամանակն էլ է գալու, մենք մեր քաղաքացիներին չէինք անհանգստացնի»,- խորհրդակցության ընթացքում հայտարարեց Սերժ Սարգսյանը։ Պետությունը փող չունի: Այս նախադասությունը մենք լսում ենք հաճախ՝ երբ խոսք է գնում նվազագույն աշխատվարձի, թոշակի բարձրացման, հարկային բեռի թեթևացման մասին: Բայց պետությունը շատ գումար ունի բազմաթիվ շռայլությունների պարագայում:
«Զինծառայողների ապահովագրության» հիմնադրամը գոյության ավելի քան մեկ տարվա ընթացքում հանգանակել է 7 մլրդ 54 մլն 749 հազար 445 դրամ, որը կազմում է 14 մլն 700 հազար դոլար: Մինչ այժմ կատարվել է 446 մլն 900 հազար դրամի հատուցում, որը կազմում է 931 հազար դոլար: Արդյո՞ք պետական բյուջեն մեկ տարվա ընթացքում 931 հազար դոլար չէր կարող հատկացնել սահմանին կյանքն ու առողջությունը կորցրածներին կամ 14,7 մլն դոլար պահուստային ֆոնդ ստեղծեր այդ նպատակի համար:
Հիշենք մի քանի ցցուն դեպքեր, երբ տասնյակ միլիոնավոր դրամներ են շռայլվել անհասկանալի նպատակներով։
Մանրամասները՝ տեսանյութում:
Սևակ Հակոբյան
