17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ոստիկանությունն արտոնյալ վիճակում է․ նրանց «թևի տակ առնելու» սովետական ձևը չի փոխվում․ Ժաննա Ալեքսանյան. ՏԵՍԱՆՅՈՒԹ
Քաղաքականություն
31.08.2021 | 12:51
«Բիրտ ուժի կիրառում ոստիկանների կողմից. պողպատե մանդատ ընդդեմ քաղաքացիների՞» թեմայով առցանց քննարկման ժամանակ անդրադարձ կատարվեց օգոստոսի 14-ին Լոռու մարզում գրանցված դեպքին, երբ «Ֆորդ» մակնիշի ավտոմեքենան ոստիկանության ավտոմեքենայի կողմից հետապնդվելու ընթացքում վթարի էր ենթարկվել, ինչի հետևանքով երկու անձ մահացել էր։ Վթարից հետո դեպքի վայր եկած հարակից գյուղերի բնակիչները քաշքշելով և հայհոյելով հարվածներ են հասցրել ծառայություն իրականացնող ոստիկաններին՝ կատարվածի մեջ մեղադրելով նրանց, կողաշրջել և ձորն են գցել ոստիկանության «Ուազ» մակնիշի ավտոմեքենան: Ոստիկանության Թումանյանի բաժնի ծառայողների նկատմամբ բռնություն գործադրելու մեղադրանքով արդեն կալանավորվել է չորս անձ։
«Լրագրողներ հանուն մարդու իրավունքների» ՀԿ նախագահ Ժաննա Ալեքսանյանն անդրադարձավ դեպքից հետո վերջին օրերին Լոռու մարզի Մարց ու հարակից գյուղերում ոստիկանների իրականացրած գործողություններին:
«Մարց գյուղի այն բնակիչները, որոնք որպես վկա բերման են ենթարկվել և բռնությունների են ենթարկվել, պատերազմի մասնակիցներ են: Ինչպե՞ս կարելի է այդպես վարվել, երբ մարդիկ զուտ հոգեբանորեն խիստ ճնշված են՝ լինելով բազմաթիվ տառապանքների ու ողբերգությունների ականատես և դեռ ուշքի չեն եկել, մինչդեռ ոստիկանությունը նրանց հետ այսպես է վարվում…
Վարչապետը երբ տեսնում է, որ վերահսկողություն չկա, որ ոստիկանությունն արտոնյալ վիճակում է, պետք է միջամտի: Դատախազությունը պետք է վերահսկողություն իրականացնի, բայց չի իրականացնում»,- նշեց իրավապաշտպանը՝ ընդգծելով նաև, որ ոստիկանությանն իրենց «թևի տակ առնելու» սովետական ձևը չի փոխվում:
Մանրամասները՝ տեսանյութում:
