19.11.2024 | 14:32
Շարունակելու եմ պայքարել հայ գերիների ազատ արձակման, ՀՀ տարածքային ինքնաիշխանության համար․ Ֆրենկ Փալոն
Որևէ պարագայում չի կարելի տրվել Ադրբեջանի սադրանքին. Էդուարդ Աղաջանյան. ՏԵՍԱՆՅՈՒԹ
Քաղաքականություն
27.08.2021 | 18:01
Գորիս-Կապան ճանապարհահատավածն արդեն երկու օր է փակված է ադրբեջանցիների կողմից, բանակցությունները շարունակվում են. փաստորեն մեր երկրի տարածքում թշնամին ճանապարհ է փակում՝ մեր քաղաքացիներին չթողնելով տեղաշարժվել: Factor.am-ի հետ զրույցում անդրադառնալով այս դիտարկմանը՝ «Քաղաքացիական պայմանագիր» խմբակցության պատգամավոր, ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը նշեց, որ այդ ճանապարհահատվածի հետ կապված՝ 44-օրյա պատերազմից հետո հանրային բազմաթիվ քննարկումներ են տեղի ունեցել, մեղադրանքներ են ուղղվել կառավարությանը և կառավարությունն իր կողմից որոշակի լուծումներ է առաջարկել՝ պայմանավորված ստեղծված իրավիճակով:
«Այդ ճանապարհահատվածը վերահսկվում է նաև ռուսական համապատասխան ստորաբաժանումների կողմից, այդպես էր մինչև երկու օր առաջ, սակայն Ադրբեջանի կողմից սադրիչ գործողություններ են իրականացվում, որպեսզի տորպեդահարվի և արժեզրկվի մեր կառավարության խաղաղության օրակարգը, որը երեկ խորհրդարանում ներկայացրեց վարչապետը: Մենք վստահ ենք, որ որևէ պարագայում չի կարելի տրվել սադրանքի, պետք է պահպանել սառնասրտությունը և բոլոր հնարավոր դիվանագիտական միջոցներով հասնել իրավիճակի խաղաղ հանգուցալուծմանը:
Կրկնում եմ, սա սադրանք է, որն իրականացվում է, որպեսզի խաղաղության օրակարագը արժեզրկվի, այդ թվում և առաջնահերթ Հայաստանի ներհանրային կյանքում: Վստահաբար այս նպատակը չի իրագործվելու: ՀՀ քաղաքացիների մեծամասնությունն իր քվեն տվել է «Քաղաքացիական պայմանագիր» կուսակցությանը՝ որպես ծրագրի առանցքային դրույթ ունենալով խաղաղության օրակարգի առաջ մղումը»,- նշեց Աղաջանյանը:
Մանրամասները՝ տեսանյութում:
