18.05.2026 | 12:46
Նիկոլ Փաշինյանի ճեպազրույցը․ ՈՒՂԻՂ
Որ օրը այսօրվա պատգամավորները նախկինների արածի 1 տոկոսն անեն, իմ թշնամին կդառնան. Խաչատուր Սուքիասյան. ՏԵՍԱՆՅՈՒԹ
Քաղաքականություն
26.08.2021 | 15:07
«Դուք ուզեք իրենց ընատնեկան լուսնակարները, ամեն ինչ կտեսնեք»,- այս մասին ԱԺ-ում լրագրողների հետ զրույցում ասաց «Քաղաքացիական պայմանագիր» խմբակցության պատգամավոր Խաչատուր Սուքիասյանը՝ ևս մեկ անգամ պնդելով նախորդ օրն ԱԺ-ում արված իր հայտարարությունն այն մասին, թե երբ Սերժ Սարգսյանը Հայաստան է եկել, «նրա կոշիկներից մեկը մի համար մեծ է եղել, մեկը՝ փոքր»:
Անդրադառնալով դիտարկմանը, որ այսօրվա իշխանության ներկայացուցիչներից շատերն էլ ոչինչ չունեին, ակտիվիստ էին, պատգամավոր դարձան, հիմա պարգևավճարներ են ստանում՝ Սուքիասյանը նշեց. «Որ օրը այսօրվա պատգամավորները նախկինների արածի 1 տոկոսն անեն, իմ թշնամին կդառնան: Պետք է մարդիկ լինեն այնպիսին, ինչպիսին այսօր կան»:
«Իսկ էն մյուսի մասին տեսե՞լ եք, որ իրա հետ եկավ՝ Վաչոյին. վարորդի մակարդակ, հայերեն չգիտեր, մի քանի տարվա մեջ տասնյակ միլիոններ ունեցավ, բանակից ինքն էր ազատում: Վաչոն ո՞վ ա, որ պետք ա 10 մլն իրա հաշվին գումար լինի»,- ասաց Սուքիասյանը՝ խոսելով Սերժ Սարգսյանի նախկին թիկնապահ Վաչագան Ղազարյանի մասին՝ հավելելով. «Խելոք թող մնան, չափերի մեջ մնան, եթե իրենք մարդ են ուղարկում ստեղ, որ Նիկոլ Փաշինյանի մասին բառեր ա օգտագործում, մենք բոլորի մասին տեղյակ ենք»:
Սուքիասյանն անդրադարձավ նաև Սերժ Սարգսյանի փեսա Միքայել Մինասյանի ունեցվածքին:
Մանրամասները՝ տեսանյութում:
